Wir Burgermeister vnd Rath Eltisten vnd die gantze Gemein der Stadt Schlackenwerdt bekennen hirmit krafft dieß vnsers briefs
fur vns vnd vnsere Nachkommen Daß Wir dem Ernuesten Erbarn vnd wolgeachten Herrn Georg Wackern von Wackenfels Burgern vnd des Raths der koniglichen Stadt Eger seinen Erben vnd Erbnehmen vnd mit dero gutem wißen vnd willen getrewen
Innhabern diß vnsers brieffs alß vnsern Glaubigern rechter wahren vnd anzeiglicher schuldt verhafft seindt Eintausendt Schock meißnisch vber die wagen bey konig(er) verordnet die wir jme gemeiner ding nach von vnßern
guthen. Vnd vnsere vnd vnserer Erben vnd Nachkommen an stat der gantzen Gemein bey vnsern trewen worten trewlich vnd gewißlich daß dem gedachten vnsern Glaubigern seinen Erben vnd Erbnehmen oder diß
brieffs gewissen Innhabern benante Summa gelts Iehrlich an dato diß vnsers brieffs mit achtzig Schocken meißnisch Iedes zur konig(er) trantzen genant widerumb mit acht Zinsen rein vneracht ohn einige müh
vnd Vncosten schwerlich alles auff die gantze vornembte haubtsumma Iarig vnd Iehrlich ein als Iahr vor das Iahr Term(in) auff S(anct) Egidij tag verfallen / vnnd darauff verbleiben Zinsen ab dann etwas hierin selbs seigen vnd in
in gueter ganghafftiger vnnd gar nit vberbothener muntz vnd landtwerung in ermelten vnsers Glaubigers behaußung vnd gewarsamb zur guten danck an vnser Vncosten entricht vnd bezahlt thun vnsern erben
vnd bezahlt allermassen wie wir jme das aus selbs haubtsumma an gelts Iahr vor das Iahr Term(in) außzuhundigen vnnd gantz trewlich vnd sicher vbergeben. Da aber bey einem noch den andern theil
kein auffkundigung geschehe So solle vnser deßwegen diese vnsere Obligation in jhren krefften sein vnd verbleiben vnnd wir darauß die gemelten Zins biß zu endtlicher auffkundigung vnd ablegung der haubtsumma Ime
erlegen vnd Zue bezahlen schuldig sein. Im fall aber wir nach verfallender zeit Iheiger auffkundigung vnd erlegung der haubtsumma vnd hierin verfalliger Zins seumig sein vnd damit zur rechten zeit nicht ein oder Zue
halben wurdten welches doch ob Gott will keines wegs geschehen soll. So geben wir hirmit krafft dieses vnsers brieffs ermelten vnsern Glaubigern vollen gewalt macht vnd recht daß Sie vns an vnsern
wegen hab vnd Guttern vns vnd vnser Gemein allenthalben vnd woß das suechen vnd zusamen suchen künnen vnd mögen wider alles darzu furstellen alßob Sie hier vber von vns ein vrtheil erlangt vnd
bracht nach der Iudicialiter lang bey vns vnd allen Rechten vnd darumb auch auff Vorgenandt verhafft vnd mit vorstehendem Zinsen vnd anhangenden vncosten hetten wie solches die landtordnung vermag
vnd außweiset. Dessen Zur mehrer vrkundt haben anstat deß gantzen Raths der Burgermeister vnd Rath Zur sambt der Eltisten der gantzen Gemein der Stadt Schlackenwerdt vnser grosser
Stadt Insigell hirunder anhangendt wissentlich vnderdrucken lassen. Geschehen Zur Schlackenwerdt an tage Galli welches war der sechzehende Octobris deß Iahr Sechszehenhundert vnd
Siebenzehen.