Wir Wenzell von Opperstorff Freyherr zur Aich vnd Fridthein Herr auff Her
lik vnd Freyhermstorff Fr hoch für: Dür Ertzhertzogen Caroli zu Osterreich Bischoffen zu Brix vnd Breßlaw: Rath vnd Camerherz. Bekenne
vnd thue khundt hiemit offentlich das vor mich khomen vnnderschinen sein meine liebe vnd getrewe Vnderthanen eine gantze Erbare Gemein aus Freyhermstorff vnd mich in gehorsam angelangt vnnd gebetten, dieweile Jnen nicht allain Jre zuuor habende Priuile
gia vnnd freyheitt wie dieselb Jnen vnd Jren Erben vnd Nachkomen, von meinen Vorfarn, als dem Wolgebornen Herrn Herrn Hanns von Opperstorff Herrn von Costin auff Herlitz Camerlingere gegeb(en) vnd dann Herrn Hanns Wenzell Sedlnitzky von
Choltitz vermöge Jrer Vrbary Register, Hantbüchle vnd eines kauff brieff mit geteilet vnd gegeben worden, vnder meinem Freyherrlichen Jnsigele vnd Handtschriftt Confirmiren vnd bekrefftigen, sondern auch sie vnd alle Jre Nachkhomen, mit mehrern vnd
bessern freyheitten, gerechtigkeitten vnd begnadungen versehen vnd begaben. Welches Jr vnderthäniges anliegen vnd bitten Jch Jnen nicht abschlagen wollen noch sollen. Sondern will hiemit Jch obgemelter Wenzell von Opperstorff Freyherr rc sambt meinen Er
ben vnd all Nachkhomender Herrschafft dises Dorffes Freyhermstorff Jnen obgemelten meinen Vnderthanen in Freyhermstorff nicht allein alle Jre nach lautt Jrer Vrbary Register Hantbüchle vnd all anderer von mir vnd voriger Herrschafft Jnen gegebener
Brieffe, habenden freyheitt, begnadung vnd Gerechtigkeitt in der besten form vnd gestalt (doch mir vnd behalt meiner vnd Nachkhomender Herrschafft, Regalien, Obergutheitt vnd Jurisdiction, vnbeschaidt) Jnen allen an den Jnen ertheilten begnadung
vnd Gerechtigkeitten, ohne allen nachteil vnd schaden sein sollen) in crafft dises Brieffs, Confirmiret, bekräfftig vnd bestättiget: sonder auch ob alle mit andern vnnd mehrern freyheitten, Gerechtigkeitten vnd begnadungen, wie dieselben hernach beschriben
stehen versehen, begaben vnd begabet haben. Als erstlich sollen alle die ietzgemelte meine Vnderthanen in Freyhermstorff vnd ein ieder insonderheitt, sambt Jren nachkhomen des Merveinens, welches auß meinem Bräuhauß Jren Weibern in die Sechswochen wie
andere meine Vnderthanen in den andern Dörffern, Hatten angeschlagen, hinfüran ferner gäntz: Quitt, frey los vnd ledig sein, Also das Jch vnd Jre Nachkhomen auff Jmer werende zeitt von mir vnd Nachkhomender Herrschafft solch obbeschriben Bier, vnd all ander Tranck
ferner Nemen (es wehre dan eines oder des andern willen vnd gefallen etwas von demselben für Jre Weiber vnd Kinde, Jnnemen, welches Jnen sambt oder sonders, ietzigen vnd wider zu lassen, frey vnd offen stehen soll) nicht schuldig noch verbinden sein sollen. Vnd
wegen so sey dann mit mir guettwillig verglichen, vnd Ferlich auff den tag S: Johans des Täuffers mir vnd nachkhomender Herrschafft Zwaintzig taller, iden derselben für sechs vnd dreissig groschen, vnd den groschen zu zwelff helln Tropplisch wehrung gerechnet
Järlichen in die Rent Camer auff Herlitz abzuführen, zu gelagt, darzu thuen wir der ander Erley Jahr, Bärttler der torpelter Haußgesind Jngleich ein eintziger Haußgesindt aber, halblonig (Frembden dergleichen nach) geben vnd einlegen sollen. Demnach
auch ietzgedachte Gemein vnd Dorffschafft Freyhermstorff alle Jahr bey verneuerung vnd haltung des Rechts vnd affterdings wegen entrichtung vnd gebung der mir, meinen Erben vnd Nachkhomen, vnsern Ambtleutten, Schreibern vnd Gerichts Personen, schuldigen Mahl
zeitten, etliche Bawr vnd Bärttner, wider selbs gelden, Jrem Richter eine tuechtige Heme geben, vnd allen tranck so darbey außtrunckhen, getten Zallen sollen. Weilen Jch aber vermerckht, das dise meine Vnderthanen wegen vberflüssigen tractaten, so bey den Rechts
vnd affterdingen, ist offt vorgenomen worden, in den Eusersten verderb gerathen würden. Als hab Jch solchem genedig vnd vätterlich vorkhomen wollen, vnd mich entlich mit Jnen dahin verglichen, das in Jmer wärenden Nachkhomen, mir vnd Nachkhomender Herr
schafft für obberuente tractation der Speis, trancks, Huner, vnd futter, so bey haltung des Ferlichen Rechts, vnd Affterdings künfftig auffgewendet werden, mechte, auff Jmerwehrende zeitt nichts mehrers als Järlich auff obgemelten tag S: Johans des Täuffers
dreissig taller, obbeschriebener Tropplischer zall vnd wehrung sambt Jren Stockh gäben, geben vnd entrichten sollen, darzu die Bawrn vnd Bärttner Jngleich die torpelten Haußgesindt aber, halblonig, vnd die eintzigen, wider halblonig, einlegen sollen. (Mehr habe Jch ob
gemelter Wenzell von Opperstorff Freyherr rc für mich, meine Erben vnd Nachkhomende Herrschafft, obgemelter einer gantzen Gemein dises dorffes Freyhermstorff, Jren Erben vnd Nachkhomen, auff Jr gehorsames ansuhen vnd bitten, aus sondern gnaden die back
Kwen daselbst (welche Jnen wie Jch berichtet, albereit vor der zeitt, von voriger Obrigkeit in Jr Priuilegia einuerleibt worden) bewilliget, aber Jnen vberlegen, außzubrechen, so breitt vnd lang Jnen selbs gefelligt, sambt dem darauff stehenden Weiden
Enden vnd andern fruchtbaren Beumen, so darauff gewaxen, oder noch künfftig wachsen mechten, für Erb eügenthumblichen hingelassen, Also das ob sambtlichen in gemein vnd sonst niemands anders, dieselbe, wie anietzo Jre Hütthüngen, Proben vnd Awen (auß
genomen die Weiden vor eines ieden Thor, dieselben ieder für sich selbes abhawen vnd geniesen, die Enden aber, so lang sy nicht verdorben, sollen stehen bleiben) künfftig auff Jmerwehrende zeitt für Erb eügenthumblichen Jnehalten, doch soll kheiner Er sey Obrig
keitt oder wer Er wille, für sich selbs auff mehrgemelter Awen, etwas an Heüsern, Scheürn, Bärtten vnd dergleichen (Außgenomen derer Hawstellen, welche Bartl Selliger, Mathes Bartl, Georg Richter vnd Hans Richters Erben, vermöge Jrer
Brieff zu recht haben, sambt dem Bärtten, so Jetz Christoff Schiwargata, vnd seinen nachkhomen, außgemelter Awen für Erbeigen Jngewiseneingeräumbt) hibawen oder einthuen, nicht berechtiget sein, vnd da schon einer oder der ander, vor der zeitt, ohne
sonder bewilligunge bemelter güttiger Obrigkeit, etwas dauon eingenomen, oder Jme zugeeignet, so soll doch dasselbe alles, ein ieder, widerumb weisreisen, vnd ödenen. Sollen auch solch Awen, mergemelte Gemein, vnd alle Jre Nachkhomen, mit allerley Jrem Vieh vnd schwein
(nür so dieselben Hosen khönnen (außgenomen die Zigen vnd Tauben) iederzeitt, von ieder meniglich vngehindert, mitt hütten, vnd treiben, geniesen, vnnd brauchen. Darfür sy mir vnd nachkhomender Herrschafft Järlichen auff den tag S: Johans des Täuffers (neben
den andern hüttgelt, wie dasselbe Jn Jren Registern, dem Viertl Khon nach, zugeben verordent) Sechtztaller, obanfangs beschribener Tropplischer Zall vnnd wehrung, sambt drey Schof Eyer, Jrem Pfarrer Järlichen auff ietzt bestimbten tag zugeben vnd zuent
richten, schuldig, verbunden sein sollen, darzu Jre Haußgesindt, so Vieh aiten, auch zuhilff geben sollen. Ob Jch aber, offtgemelte meine Vnderthanen, in freyhermstorff, oder derselben nachkhomen, auser der freyheitt vnd begnadung, so in diser Confirmation, vnd Jren
habenden Vrbary Register, Hantbüchle, vnd allen andern Brieffen, von mir zu wortt begriffen, nach der richtschnur nicht verhielten, vnd in einem, oder mehr Puncten, etwas mutwillig oder auß zwang darwider thetten, oder albereitt gethon hetten, wie das Jmer
Namen haben mechte, oder khönte, das soll Jnen, Jren Erben vnd Nachkhomen, kheinen schaden oder nachteil tragen, weniger mir vnd Nachkhomender Herrschafft, die Confirmation oder Jre vorige Priuilegia, begnadung vnd gerechtigkeitt destwegen vmbzustossen, zu schwächen
oder nichtig zu machen, gar nicht Zu hülff noch zustatten khomen. Sondern Zusage hiermitt Jch offtgedachter Wenzell von Opperstorff Freyherr rc sambt aller nachkhomender Herrschafft, villgedachten meine Vnderthanen, im freyhermstorff, alle vnd einen ieden Jn
sonderheitt, bey allen Jren, von mir vnd voriger Herrschafft gegebenen, vnd ertheilten begnadungen, freyheitten, Gerechtigkeitten, vnd ordnungen, in allen derselben artiglen vnd Puncten, fest vnd stett zuerhalten, zuschützen vnd zuhandthaben, auch niemanden
zu gestatten, der vnder einigem schein des Rechtens, wie das Namen haben mechte, Jetzhin noch fürhinemen, gestattet haben will. Des alles getrewlich vnd ohne alle geuerde. Dessen zu Vrkundt, hab Jch mein freyherrliches groß Jnsigill, wissentlich an disen
Brieff hangen vnd drückhen lassen, vnd sich mit eigner handt vndershriben. Darneben auch erbetten die wollgebornen Herrn, Herrn Georg von Opperstorff, Freyherrn zur Aich vnd fridthein, Herrn auff Ober glogaw, Rom: Kay: Mt: sowoll Fr hoch für:
Dür: Ertzhertzogen Caroli Zu Osterreich rc Rath vnd Camerherr, auch geuolmechtigter Landeshauptman des Fürstenthumbs Ober glogaw. Herrn fridrich von Opperstorff, Freyherrn zur Aich vnd fridthein, Herrn auff der Bürg Fridhoff, Jchuitz
Neustirch, Ostrosnitz vnd Dirgowitz, Fr hoch für: Dür: Ertzhertzogen Caroli Zu Osterreich rc Camerherrn. Herrn Bernhardt von Wurben vnd Freudenthall, auff Klemstein vnd Hloschütz. Vnd dan die Edlen gestrengen, Ehrnuesten vnd wolgeachte Herrn
Adam Wentzel Podstatzky von Pruchmowitz auff Zierotin, vnd Poleniow. Herrn Hanns Sstastny Skrbensky von Hrzistie, auff Henczeschaw vnd Pschisialwitz. Vnd Herrn Petter Schmerhowsky von Ssmoraditz, auffm freyen Hoff in Seiffersdorff,
das sy Jre angeborne Pöttschafften, neben vndershreibung Jrer Hende, Zum Zeugnuß, neben dem meinen, an disen Brieff haben drückhen lassen, das Jnen vnd Jren Erben, ohne schaden. Geschehen vnd geben auff meinem Schloß Herlitz, am tag S: Thoma
als man Zelt nach Christi vnsers lieben Herrn Heilandts vnnd Seligmachers gebürtt, Jm ain tausent sechs hundert drey vnnd zwaintzigsten Jahr.