In Nomine Domini Amen.
Ego Wenceslaus Liebsteinsky a Kolowrat Societatis Iesv
Religiosus, ac legitimus Filius, piæ memoriæ Ill(ustrissi)mi D(omi)ni D(omi)ni Zdenkonis
Leonis S(acri) Rom(ani) Imp(erii) Comitis a Kolowrat, Domini in Pirkstein, et Konoged &c.
Notum facio, cum nullam adhuc in Societate Professionem solemnem fecerim, ideoq(ue)
vi Constitutionum Apostolicarum, ius Bonorum Temporalium retineam;
huius Iuris vigore cupiens disponere de omni mea Hæreditate, aliisq(ue) quauis
Substantia temporali, cum pro animæ meæ meorumq(ue) Maiorum salute, et
solatio, tum pro bono, atq(ue) ornamento Familiæ Kolowratianæ, speciali ad hoc
ab Admodum Reuerendo Patre Nostro P(atre) Goswino Nickel Societatis Iesv
Præposito Generali accepta facultate per literas datas Romæ 25 Iulij, millesimo
sexcentesimo quinquagesimo quarto anno, sponte mea, libere, motu proprio,
Iudicio integro, et deliberato, plena, ac irreuocabili voluntate, ac liberrima
potestate, nec non purissima ad maius Dei obsequium intentione, Abdico me
pro amore Dei omnibus facultatibus, ac bonis temporalibus, me quouis modo
concernentibus, ac iure mihi nunc debitis, vel inposterum mihi obventuris, quæ
omnia cum omnibus iuribus, Actionibus, Priuilegijs, exemptionibus, fauoribus,
transcribo, dono, ac, vigore harum literarum cedo Societati Iesv Provinciæ
Boëmiæ, cum his expressis conditionibus, ac reseruationibus.
Ac imprimis, de substantia ab Excell(entissi)mo D(omi)no D(omi)no Vdalrico Francisco Liebsteinsky
a Kolowrat, S(acr)æ Cæs(are)æ M(aiesta)tis Camerario, Consiliario, et Supremo
Regni Præfecto, Patruele meo, piæ memoriæ, mihi testamento relicta,
ita statuo. Primo ut omnes fructus, et prouentus Dominij mei
Stral & Hostitz (soluto prius quot annis censu consueto ex triginta vno
mille, et quingentis florenis Rhenensibus, Collegio Glattouiensi Societatis
Iesv, iuxta Ill(ustrissi)mæ D(omi)næ piæ memoriæ, Luciæ Ottiliæ Kolowratianæ