Wir Wladislaw vonn Gots gnaden
Behemischer Kunig Marggraff zu Mehern
und luczemburg Herczog Inn Schlesien
und Marggraff zu lausnicz Thun kund
mit disem brieff, Do und alß dy furste(n)
und hern d(er) Ritterschafft So wol dy Stette d(er)
Cron Behem nicht auß pflicht od(er) ainicher
schult, Sondern auß Irem freiem willen unß
eine Hulffe unnsers besten halb zuthun bewill:
ligt, alß Nemble eine halbe Stewr nach meiß:
nischen groschen raitendt, Do dan d(er) Erlauchte Hein:
rich Herczog zu Munsterberg und graff zu glacz
unser lieber Ohem etliche sondere außczug
dy Graffschafft glacz betreffende geh(abt) hat, Und
Zwar solicher hulffen frei und ledig sein mochte,
Wiewol nichts minder hat er auß gunst und
freiem willen so er gegen unß alß seinem
Herren tregt Sich bewilligt, auß d(er) undt an:
dern seinen habenden flecken, und herschafften,
unß dise hulffe neben andern unsern zutun,
Derwegen, dieweil wir solichs von Ime zur
danck annemen, Globen Wir mit dis:
sem brieff vor unß und unser Nachkomen
Kunige zu Behem, dz Ime solichs, od(er) seinen
außczugen, solichs zu keinem Nachteiligen
abbruch sein soll, Sondern bey allem dem