Karolus Dei gratia Romanorum Rex Semper Augustus et Boemie
Rex. Notum facimus Vniuersis, Quod licet ad prosequenda
Vota fidelium Regalis benignitas quadam regularitate sit
prona Illos tamen magis preuenire debet munifice,
quos ad obsequendum promptos reperit et deuotos. Nos
itaq(ue) Dilecti fidelis n(ost)ri Sbinconis Leporis de Hasenburc
Magistri Regalis Curie n(ost)re grata et accepta seruitia que
Cum fidei perfecta constantia Maiestati n(ost)re exhibuit
hactenus, et exhibere debebit et poterit fructuosius in
futurum, liberalitatis n(ost)re oculis gratiosius intuentes
ac Volentes eundem Sbinconem huiusmodi seruitior(um)
intuitu fauore p(ro)sequi gr(ati)oso. Eidem Sbinconi, nec
non heredibus suis. Castrum Enne Comitatus Tyrolen(sis)
in casu si Castrum ip(su)m in dicto Comitatu per nos
Valitores, et adherentes nobis, conquisitum fuerit, et euictu(m)
cum omnibus et singulis Juribus redditibus, Censibus,
Prouentibus, Dominijs, et fructibus, et obuencionib(us),
Nec non montibus Vallibus, Planis, terris, Vineis,
Agris, Cultis et incultis, Aquis, aquarumue Decursib(us)
Piscarijs, Piscinis, Venationibus, Molendinis, Pratis,
Ortis, Nemoribus Rubeis Siluis Vasallagijs Pheudis
Pheudatorijs, et Jurisdictione Alta et Bassa, et cum
Quibuslibet alijs Juribus, et pertinentijs suis in Pheudu(m)
honorabile. Damus, concedimus, et Donamus, per
eum et heredes suos predictos a nobis tanq(uam) a Rege