B(e)n(e)dictus ep(is)c(opus) s(er)uus s(er)uor(um) dei. Dilectis filijs .. Abbati et Conuentuj Monasterij Sedlicen(sis) Cistercien(sis) ordinis Pragen(sis) dioc(esis)
Sal(u)t(em) et ap(osto)licam ben(edictionem). Cum a nobis petitur q(uo)d iustum est et honestum tam uigor equitatis quam ordo exigit rationis
ut id per solicitudinem officij n(ost)ri ad debitum perducatur effectum. Sane petitio u(est)ra nobis exhibita continebat q(uo)d Martinus
Plebanus eccl(esi)e in Wynovzze cupiens terrena in celestia et transitoria in eterna felici com(m)ertio com(m)utare quosdam annuos redditus
consistentes in loco hohenredl dicte dioc(esis) tunc ad ip(su)m ratione p(er)sone sue spectantes uobis et Monasterio u(est)ro pro sua et
progenitor(um) ac amicor(um) suor(um) animar(um) salute pia et prouida liberalitate donauit prout in instrumento publico inde confecto
plenius dicitur contineri. Nos itaq(ue) u(est)ris supplicationibus inclinati q(uo)d super hoc ab eodem Martino pie ac prouide factum
est ratum habentes et gratum id auctoritate ap(osto)lica confirmamus et presentis scripti patrocinio com(m)unimus. Nulli ergo omnino
hominum liceat hanc paginam n(ost)re confirmationis infringere uel ei ausu temerario contraire. Siquis autem hoc attemptare presumpserit
indignationem omnipotentis dei et beator(um) Petri et Pauli ap(osto)lor(um) eius se nouerit incursurum. Dat(um) Auinion(e) ij Non(as) Octobr(is)
Pontificatus n(ost)ri Anno Quinto.