In nomine domini Amen Quia omnis alienacionis empcionis seu vendicionis titulus firmior et cercior esse solet et durari debet et pro eo stabilius et manifestius que agunt(ur)
litterarum robore testimonio fulciunt(ur) Ideo Nos Bertholdus de lipa dei gratia prepositus Wyssegradensis ecclesie Regni Boemie Cancellarius Vniuersis presentium noticiam inspecturis Volumus per
ipsas litteras esse notum quod venientes ad nos homines ville in hostyeyn spectantes ad preposituram et ipsam nostram preposituram Wyssegradensem nobis instantissime supplicarunt vt locacionem emphiteoticam
his annis preteritis Wyssegradensis ecclesie per prebendis factam prout ex litteris ipsius ecclesie predicti super hoc confectis vidimus plenius sub sigillo ipsius in theca et sana in nullo viciata
contineri Cuius quidem littere tenor per omnia in hec verba talis esse dinoscitur Nos Johannes dei gratia prepositus Wyssegradensis ecclesie Regni Boemie Cancellarius Ad perpetuam
memoriam rei Ad vniuersorum tam modernorum quam in antea futurorum peruenire volumus per presentes noticiam Quod cupientes condicionem ecclesie nostre predicte facere meliorem
et oblaciones eius dubias et vacillantes in statum solidum et certum reponere et reducere Considerantes villam hostyeyn spectantem ad preposituram et ipsam nostram preposituram Wyssegradensem cum
decem et octo laneis ibidem culturis eorundem laneorum qui dictos laneos iam colunt et tenent heredibus et successoribus eorum in perpetuum recepimus ab eis quinque sexagenas grossorum denariorum
pragensium pro quolibet laneo nomine laudimij siue contractus Emphiteotici iure emphiteotico locauimus et locamus ita sane quod de quolibet laneo ipsi emphiteote heredes ac successores
eorum tam nobis et successoribus nostris Wyssegradensis ecclesie prepositis vniuersis ac singulis qui pro tempore fuerint vnam marcam et dimidiam grossorum denariorum pragensium cuius ponderis et sexagenas
pullos medietatem pecunie in festo beati georgij Reliquam vero medietatem cum pullis in festo sancti Galli annis singulis pro annua pensione soluere tenebuntur Judicio preter
aquas piscaciones et omnibus et singulis iuribus aliis nobis in dicta villa ac in hominibus hiemalis in ea preteritis que in posterum competere valerent nobis et successoribus nostris
Wyssegradensis ecclesie prepositis libere reseruatis pascuis vero animalium que hactenus fuerunt per quibus eciam sunt ipsis pro eo relinquentes dies autem statutos seu terminum dictis statutis soluendi pen
sionis vt prefertur per nobis et successoribus nostris Wyssegradensis ecclesie prepositis in expellere debet statuimus prout et statuimus ita sane vt si in dicta pensione modo predicto non soluerint pro
predictis in parte vel in toto non soluentes aut non soluens infra quindenam dies in medietate tunc sequentes pena dimidie marce eius ponderis nobis et nostris successoribus
Wyssegradensis ecclesie prepositis soluendam racione quociens tempus quindene post terminum vt diximus soluendum aut solutum labitur in eadem ipso facto In cuius rei testimonium presentes litteras fieri
et sigillo nostro iussimus communiri Datum prage Anno domini Millesimo Trecentesimo tricesimo quinto In octobrie quam quidem locacionem emphiteoticam et apposi
cionem bonorum ville predicte legitime eciam nobis in quibus seu homines ville predicte ratificari et nostra beniuolencia petierunt concorditer iure licito confirmari Volentes igitur condicionem
ipsorum et nostre prepositure simul meliorem et eciam in colis dicte ville in hostyeyn commode plenius prouidere sic vt eadem villa possit in melius reformari iustis et honestis peticionibus
predictis ville hominibus grato affectu condescendentes predictam villam cum hereditatibus suis mandauimus per agrimensores iuxta consuetudinem Regni Boemie denouo in mensurari in totum in
surari Ad hoc videlicet vt siquid in esset de decem et octo laneis predictis quod ipsis hominibus pro parti ipsorum laneorum communi quatenus attingentium censum pendant parte
Insaluaremus et quia per predictos mensuratores repertum extitit quod predicte ville hereditas in duobus laneis plus vltra locacionem prius vt est premissum eis factam continebant eos
dem vero duos laneos residuos vltra decem et octo hominibus vniuersis eiusdem ville sub consueto precii censu aliis scilicet decem et octo laneis per ipsam marcam festis prius expressis
iure emphiteotico recepimus ab ipsis hominibus ville predicte quinque sexagenas pro quolibet duorum laneorum antedictorum locauimus similiter et apposuimus per tales heredes ita quod per omnia quemadmodum
alij lanei ipsis antea in omnibus oblacionibus et penis sunt locati et expositi maxime cum ex eo condicionem nostram et prepositure nostre Wyssegradensis ecclesie non deteriorem per prepositum sed potius me
liorem Nos ergo humilibus et instantiis precibus predictorum hominum saltem ville in hostyeyn pie ac sponte inclinati non solum ratam habentes et firmam locacionem emphiteoticam
per predictum antecessorem nostrum eis factam vt est premissum Sed eciam nostram consensum benignum et voluntatem liberam per dictis omnibus et singulis clausulis suis ex certa sciencia adhi
bemus et eam presentis scripti patrocinio liberaliter confirmamus et approbamus ita tamen quod nobis et nostris successoribus illibata et salua remaneant ea iura et seruicia que ex prepositu
que in predicta villa nobis et nostre prepositure in exhibendis habemus sicut dicti domini predicti homines facere consueuerunt In cuius rei memoriam et robur perpetuum
presentes predictam litteram fieri fecimus et nostro sigillo maiori iussimus consignari Datum prage Anno domini Millesimo Trecentesimo Tricesimo septimo vij Idus Junij

Nos petrus decanus Zystislaus custos Thobyas scolasticus totumque Capitulum ecclesie Wyssegradensis ad Romanam ecclesiam nullo medio pertinentis predictam locacionem emphiteoticam et
ipsius in nouacionem ac ratificacionem cum adiuccione duorum laneorum per Venerabilem prepositum nostrum dominum Bertholdum de lipa iure Wyssegradensis ecclesie prepositum hominibus ville in hostyeyn
super additam iuxta censum priorum laneorum ipsi ac successoribus suis persoluendi quo ad omnes articulos et punctos singulos et factam omnes et singulas oblaciones eius et clausulas que
in premissis litteris continentur quantum iura in attrahit rata et grata habentes et voluntate beniuola perhabita consentimus In cuius rei testimonium has subscripsimus et sigillo
Capituli nostri presentem litteram iussimus communiri Datum in Wyssegrad Anno domini Millesimo Trecentesimo tricesimo septimo septimo Idus Mense Junij