Iohannes ep(iscopu)s seruus seruorum d(e)i Ad perpetuam Rei memoriam
Quia nonnunquam quod coniectura profuturum creditur subsequens experientia nociuum ostendit non debet reprehensibile iudicari si canonum conditor canones a se uel suis pre
decessoribus editos uel aliqua in eisdem contenta canonibus reuocare modificare uel suspendere studeat si ea obesse potius uiderit quam prodesse . Sane dudum felicis recordationis Nico
laus p(a)p(a) .iiij. predecessor n(oste)r quandam constitutionem declaratoriam que incipit . Exiit . super regula dilectorum filiorum fratrum ordinis minorum quam beatus franciscus aliis Con
fessor instituit promulgauit sub certis penis artius interdicens ne concordantie contrarietates seu aduerse uel diuerse opiniones ab ipsius Constitutionis Lectoribus seu expo
sitoribus aliquatenus inducantur nec super ipsa Constitutione glose fiant ab aliquo nisi forsan per quas uerbum uel sensus ipsius seu constructio uel ipsa Constitutio
quasi gramaticaliter ad litteram exponatur nec intellectus ipsius per legentem distorqueatur ad aliud quam Constitutionis eiusdem littera ipsa sonat . Glosantes autem in
scriptis Constitutionem eandem aliter quam superius est expressum facientes quoque Comentum scripturas seu Libros ac ex certa scientia et deliberate determinantes in scolis
seu predicantes contra contenta in Constitutione predicta uel aliqua seu aliquod predictorum Non obstantibus aliquibus priuilegiis seu indulgentiis aut litteris apo
stolicis quibuscumque personis dignitatibus ordinibus aut locis religiosis uel secularibus generaliter uel singulariter sub quacumque forma uel expressione uerborum concessis que noluit
aliquibus in predictis quomodolibet suffragari ipso facto excomunicationis sententie uoluit subiacere . Nos autem attendentes quod argumentis frequenter et collationibus
latens ueritas aperitur quodque sub eadem littera sepe latet multiplex intellectus necnon esse difficile uolentibus Constitutionem predictam perfecte legere ac
intelligere penas adiectas in Constitutione huiusmodi deuitare uiam ueritati aperire uolentes ac periculis que ex predictis possent litterate persone precipue sco
las sice incurrere salubriter obuiare presertim cum de nouo suborta sint aliqua dubia circa que posset periclitari ueritas et erroribus uia pandi nisi liceret conferre super
contentis in Constitutione huiusmodi et etiam disputare prohibitiones et penas predictas tam latas quam comminatas et earum effectus in futurum nostrorum ac multorum
Archiep(iscop)orum Ep(iscop)orum et aliorum prelatorum necnon multorum professorum utriusque iuris et multorum sacre Theologie magistrorum presentia dum Consistorium teneremus auc toritate apo
stolica duximus usque ad sedis aplice beneplacitum suspendendos . Per suspensionem autem huiusmodi nequaquam licentiam cuiquam intendimus impertiri quod contra fratrum
regulam predictorum dogmatizare scribere seu determinare predicare seu praue loqui liceat publice uel occulte quinimo hoc omnibus et singulis auctoritate pre
fata distric tius inhibemus . Ne autem impos teum premissarum prohibitionum et penarum suspensio in dubium reuocari ualeat nec aliqui propter defectum promulgationis
impingi quod uelut transgressores prohibitionum ipsarum in penam seu penas incident antedictas Nos uolentes super hoc de oportuno remedio prouidere cartas seu
membranas suspensionem continentes eandem appendi seu affigi in maioris eccl(es)ie Auinionen(sis) ostiis seu superliminaribus faciemus que suspensionem predictam suo quasi so
noro preconio et patulo iudicio publicabunt . Dat(um) Auinion(e) vij k(a)l(endas) Aprilis Pontificatus n(ost)ri Anno Sexto