Nos FERDINANDVS Dei gratia Bohemie Hungarie Dalmacie Croacie (et)c(etera) Rex Infans Hyspanie Archidux Austrie Marchio Morauie Lucem=
burgensis (et) Slesie Dux (et)c(etera) Marchio Lusacie (et)c(etera) Ad perpetuam rei memoriam Notum facimus tenore presencium vniuersis (et) singulis,
Quod accedens presenciam nostram Religiosus Petrus Abbas Monasterij Wylemouiensis Ordinis Sancti Benedicti deuotus fidelis nobis dilectus
nomine suo ac tocius illius Conuentus nobis humiliter supplicauit Quatenus omnes (et) singulas Litteras Gracias Libertates Priuilegia (et) Iura
vniuersa Datas (et) concessa eidem Monasterio (et) Incorporate sibi Prepositure Vherczicze In Marchionatu Morauie situate a Diuis
predecessoribus nostris Regibus Bohemie (et) Marchionibus Morauie ex innata nobis Clementia Innouare Approbare Ratificare (et) Con=
firmare dignaremur Nos condignis eorum precibus moti volentesq(ue) vt per nostram gratiam Cultus Diuinus cui nos plurimum ascribimus
nedum conseruari verumetiam crescere (et) augmentari posset Igitur non per Errorem aut Improuide sed animo deliberato sano Pro=
cerum (et) fidelium nostrorum ad id accedente Consilio De certa nostra Scientia Auctoritate Regia (et) tanq(uam) Marchio Morauie Omnes
(et) singulas Litteras Gracias Libertates Priuilegia (et) Iura vniuersa prefato Monasterio (et) Prepositure a Diuis predecessoribus
nostris Bohemie Regibus (et) Marchionibus Morauie Approbamus Ratificamus Innouamus (et) gratiosius Confirmamus In omnibus
Punctis Articulis Clausulis Sentencijs non secus ac si in Litteris nostris de verbo ad verbum omnium tenores inserti (et) comprehensi
essent habere volumus pro expressis Decernentes ac presenti nostro Regio ac Marchionis Morauie Edicto firmissime constituentes
vt prenominatus Abbas cum Conuentu ipsius ammodo (et) deinceps futuris perpetuis temporibus Omnibus (et) singulis Litteris Gracijs
Libertatibus Priuilegijs (et) Iuribus vniuersis ipsis sic vt premissum est per predecessores nostros Concessis in omnibus (et) per omnia
absq(ue) omni Impedimento fruantur (et) gaudeant Vobis Supremo Capitaneo Ceterisq(ue) Officialibus ac Czudarijs prefati Marchionatus
Morauie Districte precipiendo mandamus Quatenus iam Dictum Abbatem (et) Conuentum In Priuilegijs (et) Libertatibus ipsorum sic
sicuti premissum est p(er) nos Confirmatis manuteneant defendant (et) protegant Nulliq(ue) hijs Impedimentum inferant seu quouis modo
inferri permittant Ita prout contrafacientes Indignacionem nostram Regiam volint (et) cupiunt euitare In Quorum quidem omnium
fidem (et) testimonium presentes Litteras fieri easq(ue) Sigilli nostri Regij appensione muniri precepimus Date Brunne Die Iouis
post Dominicam Iudica Die vero vndecima Mensis Aprilis Anno Domini Millesimo Quingentesimo vigesimo Septimo Regnorum
autem Nostrorum Bohemie (et) Hungarie primo
Ferdinand(us)