Ferdinandus Dei Gratia Hungarie Bohemie Dalmatie Croatie (et)c(etera) Rex Infans Hispaniarum ArchiDux Austrie Marchio Morauie Lucemburgensis ac Slesie
Dux et Marchio Lusatie (et)c(etera) Notumfacimus tenore presentium Vniuersis et Singulis ad quos presentes littere nostre peruenerint. Eximie Sanctitatis insignia
imitanda Diuorumq(ue) Ducum ac regum Bohemie predecessorum n(ost)ror(um) Carissimorum sequi cupientes vestigia, iustum atq(ue) dignu(m) censemus, ut Sacratas edes in hono=
rem Summi Dei ac Sancte professionis monastice discipline constructas et dotatas Regio prosequamur fauore Et quanta nunc in Regno nostro Bohemie Monasteria
seua anteriorum temporum procella inueniant(ur) direpta atq(ue) destructa, quibus a nostra Celsitudine opem esse ferendam quo fauoribus nostris monita, ea que possident in aug=
mentum diuine laudis commodius ac firmius obseruare, Et illa que amiserunt facilius recuperare valeant et possint Maiestati nostre itaq(ue) supplicauit Relligiosus
Iacobus Ordinis Sancti Benedicti Breu(n)iouiensis Monasterij Abbas suo et tocius Conuentus no(m)i(n)e. Quatenus de Benignitate Regia, et innata nobis Clementia, Omnes (et)
Singulas l(itte)ras, Gratias, libertates, Donationes, Concessiones, emunitates, Laudabiles et approbatas consuetudines, incorporationes, priuilegia, Indulta et Iura vniuersa, predicto
Abbati totiq(ue) Conuentui a Summis pontificibus, Romanis Imperatoribus, Bohemie Regibus et Ducibus, ac Morauie Marchionibus, predecessoribus nostris Carissimis
alijsq(ue) quibuscunq(ue) Christifidelibus Data donata et concessa, que hactenus redemerunt possederunt, vel que in posterum rediment et possidebunt, Innouare ratificare approbare
et gratiose confirmare dignaremur. Nos qui pijs Supplicantium votis Benignas semper aures prebere solemus, et venerandorum Monasterioru(m) sub ambitu Regni nostri Boemie
ac Marchionatus Morauie existenciu(m) commoditates augeri cupientes, iustis eorum precibus tanq(ue) rationabilibus fauorabiliter duximus annuendum. Igitur non per errorem
aut improuide Sed a(n)i(m)o deliberato, Sano Baronu(m), nobilium et alioru(m) fideliu(m) nostroru(m) accedente consilio, de Certa n(ost)ra scientia, auctoritate Regia, tanq(ue) Bohemie Rex et Marchio
Morauie, omnes et singulas l(itte)ras, gratias, libertates, donationes, Concessiones, emunitates, Laudabiles et approbatas consuetudines, Incorporationes, Priuilegia, Indulta et Iura
vniuersa, a Summis pontificibus, Romanis Imperatoribus, Bohemie Regibus et Ducibus, ac Morauie Marchionibus, predecessoribus nostris Carissimis, ac alijs quibuscunq(ue)
Christifidelibus prefato Abbati totiq(ue) Conuentui Breu(n)iouiensi Data donata et concessa, Et que hactenus redemerunt et nunc possident, vel que in posterum rediment et
possidebunt, Innouamus ratificamus approbamus et presentibus gratiosius confirmamus in omnibus punctis articulis Clausulis et Sentencijs suis, ac si eorum tenores de verbo
ad verbum hijs nostris forent inserti, Decernentes et Regio edicto n(ost)ro firmiter constituentes, omnia et singula in eis contenta, plenu(m) et inuiolabile robur obtinere debere, perpe=
tuis temporibus in futurum. Concedimus insuper prenomi(n)ato Abbati Conuentui et eius successoribus plenam liberam et omnimodam facultatem redimendi ac relaxandi
omnia ipsius Monasterij Bona, mobilia et immobilia, in parte seu in toto, atq(ue) etiam res vniuersas, quascunq(ue) persone ex toto obligata et obligatas que deinceps nolumus per Nos aut suc=
cessores nostros Bohemie Reges et Morauie Marchiones ab eodem Monasterio alienari obligari, abstrahi locari, aut ad longum uel breue tempus inforibi, nec quolibet alio titulo
aut colore amoueri Siquid uero in Contrariu(m) per Nos heredes aut successores nostros, Reges Bohemie aut Marchiones Morauie per inaduertentiam, obliuionem, ex peticionum im=
portunitatem, Seu quouis alio modo factum fuerit, Illud ex nunc prout extunc annullamus, frustramus, Cassamus, et nullius penitus roboris esse decernimus, Supplentes nichilo=
minus omnem defectum Siquis circa premissa siue premissorum aliquid, dubia et obscura interpretatione verborum aut Sentenciaru(m) obscuritate, Solemnitate Iuris uel alterius
condicionis obmisse compertus fuerit de predicta n(ost)ra Regia auctoritate et potestate. Volentes preterea prenominatum Abbatem et Conuentum fauore prosequi gratie amplioris
Ipsum cum Monasterio ac Bonis omnibus et pertinentijs suis, quocunq(ue) nomine censeantur, que uel quas in Regno nostro Bohemie et Marchionatu Morauie possident in nostre
specialis protectionis munimen suscipimus harum serie gratiose. Mandamus itaq(ue) et seriose precipimus omnibus et singulis Officialibus n(ost)ris in Regno nostro Bohemie et
Marchionatu Morauie cuiuscunq(ue) status gradus aut conditionis existant, et in generali omnibus Subditis nostris fidelibus sincere nobis dilectis ne predictum Abbatem et Con=
uentum, Monasteria, predia, loca, possessiones, opida, Bona, homines, atq(ue) subditos eorum, contra predicta priuilegia, et Iura ipsorum vllo modo molestent, turbent, aut impediant, nec
ab alijs turbari molestari aut impediri permittant quin ipsos potius circa ea omnia et singula suprascripta manuteneant, protegant ac tueantur, nec contrariu(m) faciant Sub
indignatione n(ost)ra grauissima, et pena in priuilegijs eorum contenta, quam contrafacientes nouerint se irremissibiliter incursuros. In quorum fidem ac robur perpetuo valitu=
rum, presentes l(itte)ras Sigilli n(ost)ri appensione iussimus communiri. Dat(um) in Ciuitate n(ost)ra Budweis Bohemie Feria Sexta post Diuisio(nem) Apostolorum Anno Domini