Wir Ferdinand der Dritte von Gottes gnaden Erwöhlter Römischer Kaiser
zu allen zeiten, Mehrer des Reichs, in Germanien, auch zu Hungarn, vnd Böhaimb, König, rc. Ertzhertzog zu Osterreich, Hertzog zu Burgünd, Steyer, Kärndten, Crain vnd Würtem
berg, rc. Graue zu Habspurg, zu Tyrol, zu Pfirdt, vnd zu Kyburg, rc. Marggraue zu Mährern, in Ober vnd Nider Laußnitz, Graue zu Hohenberg, rc. Bekennen für Vns, vnd Vn
sere Erben, hiemit offentlich, vor Vns, vnd meniglich; Demnach Wir, deß gnedigen Willens, die schwere Exekution, so Vns, vnd Landen, von Vnserm Erbfeindt, dem Türckhen,
gefahr zu erwehren, in starckher Kriegsrüstung, ob zu sein, Vnd wir darzu, neben andern zu solchem ende applicirenden mitteln, eine Nothhaffte Summa paaren
gelts erfordert würdt, Vnd wir darzu, zu gelangen, bey Vnserm getreuen, sich in Vnserm ErbKönigreich Böhaimb befindenden, gehorsambsten Ständen, Vnder
thanen, vnd andern Inwohnern, ein paares darlegen, dergestalt, das dessen ein jeder, so wol in Capitali, als mit Jährlichen, deß pro Cento Lauffenden, Interesse, wider bezalt
werde, zu begehren, Vns gnedigst entschlossen; Vnd nun vnder andern, auf Vnsers gnedigstes gesinnen, auch der Würdige, Vnser andächtiger, vnd Lieber getreuer, Herr
Benno, Abbt Vnsers Stiffts, vnd Closters, zu Brauna, vnd Visitator, St. Benedictj, durch Böhaimb, vnd Mährern, zu erzeigung seines gegen Vns, vnd dem allgemeinen we
sen, bey desselben itzigem gefehrlichen Zustand, tragenden treugehorsambsten Devotion, Zweyhundert, vnd Fünfftzig gulden, Reinisch, zu gnedigstem, hülffreichem, Vorschuß, auch
das paare gelt alsbaldt, in die Vnserm Schutze, Cammer Rath, vnd Steuergeschriebne, Summen, Schübel, von Scharffenstein, vnd Johan Vlrich Reßlern, an dero, vmb die Cassa
verordnet, hiezu bezalen lassen; Als geloben, vnd Versprechen Wir, für Vns, vnd Vnsere Erben, Ihme, ob angestembtem, hülffreichem, vnd in Ernst, dieses
Vorschuß, alsbaldt, dergestalt, das wir gedachten Abbt zu Brauna, dessen Erben, oder gehorsamen, deß Stiffts, Inhabern, der obgemelt, das Zweyhundert, vnd Fünfftzig
gulden, wie obgemelt, nit allein in Capitali, sondern auch daruon, pro rata temporis, mit Jährlichen, deß pro Cento, daruon gebührendem Interesse, widerumb befriedigen
lassen, thuen, vnd wöllen; Gnediglich, vnd ohne gefehrde. Zuur Vrkundt, diß Brieffs, der mit Vnserm aigenen Handt vndersigelt, vnd, hierfür gedruckhtem, Kays. Secret
Insigel, bekräfftiget, vnd Geben ist, in Vnserm Statt Wien, den zwaintzigisten Monatstag Junij, im Ein Tausendt, Sechshundert, Drey vnd Viertzigisten, Vnsers Reichs,
des Römischen, im Siebenden, deß Hungarischen, im Achtzehenden, vnd deß Böhaimischen, im Sechtzehenden Jahre. /.
Ferdinandus