NOS LEOPOLDUS DIVINA FAVENTE CLEMENTIA ELECTUS ROMANORUM IMPE
rator semper Augustus, ac Germaniæ, Hungariæ, Bohemiæ, Dalmatiæ, Croatiæ et Sclavoniæ Rex, Archi Dux Austriæ, Dux Burgundiæ, Marchio Mora
viæ, Lucemburgensis et Silesiæ Dux, Marchioq(ue) Lusatiæ. Universis et singulis Principibus, tam Ecclesiasticis quàm Sæcularibus, Archi-Episcopis, Episcopis, Ducib(us),
Marchionibus, Comitibus, Baronibus, Equitibus, Nobilibus, Judicibus, Consulibus, Senatibus et alijs cujuscunq(ue) nominis, Dignitatis, gradûs, statûs, Præeminentiæ aut conditionis homi
nibus, præsertim autem Militiæ Nostræ Cæsareæ, Equestris et Pedestris Ordinis, cæterisq(ue) Officialibus nec non Teloniatoribus, ac Portuum, Pontium, Passuumq(ue) quorumvis Custodibus et
Portoriorum Præfectis, Amicis et benevolis Nostris, præsentes Nostras visuris, lecturis vel legi audituris, Salutem et Benevolentiam, Regnorum verò et Provinciarum Nostrarum
hæreditariarum Subditis fidelibus Nobis Dilectis, gratiam Nostram Cæsaream Regiamq(ue) et omne Bonum. Humillimè Nobis exposuit Reverendus, Devotus, fidelis Nobis Di
lectus, Othmarus, Conventus Nostri Břzewniowiensis in Brauna, Ordinis S(ancti) Benedicti Abbas et in Regno Nostro hæreditario Bohemiæ et Marchionatu Moraviæ Visitator, se exhibitore(m)
harum P(at)re(m) Bedam Feistel, ejusdem Ordinis in Bohemia et Moravia Secretarium hinc Romam ad procurandas ibidem Causas Ordinis et Monasterij mittere decrevisse, Nobis obsequiosis
simè supplicando, quatenùs ad securius et comodius tale iter peragendum Litteris Nostris salvi Passûs Cæsareis Regijsq(ue) dicto Patri clementissimè subvenire dignaremur; Nosq(ue) Eidem tutu(m)
passum ac securum iter obtingere cupiamus. Idcircò omnes et singulos supra memoratos Amicos et benevolos Nostros hisce benignissimè requirimus, Subditis verò fidelibus No
stris, cujuscunq(ue) statûs, gradus, Ordinis aut conditionis illi fuerint, ac signanter Militiæ Nostræ Cæsareæ seriò præcipimus et mandamus, ut sæpiùs fatum Patrem Bedam Feistel, unà
cum Ejusdem servo ac necessarijs rebus suis, ubiq(ue) liberè tutò et expeditè ire, transire, proficisci, commorari et recedere sinant, nec ullâ Ipsum aut Servum Ejus molestiâ aut impedimento,
vel fors ob suspicionem infecti aëris (quò aliàs per DEY gratiam saluberrimè perfruimur) sive quapiam alia de Causa afficiant aut à quocunq(ue) affici permittant, quin potiùs longin
quum hoc iter Eorundem Salvo Conductu, fideq(ue) et securitate publicâ, viarum ducibus, equis, curribus, navibus ac alijs pro rei exigentia necessarijs, nec non omni charitativo affectu pro
moveant; Facturi in eo Nobis Amici et benevoli Nostri rem pergratam gratiâ Nostrâ Cæsareâ Regiâq(ue) vicissim quandoq(ue) agnoscendam, Subditi verò Nostri seriam voluntatem No
stram exequentur. In quorum fidem seu Testimonium hasce Patentes Nostras Litteras fieri ac Sigillo Nostro Cæsareo Regioq(ue) muniri jussimus. Datæ in Civitate Nostra Vien
næ, die Septimâ Mensis Aprilis, Anno DOMINI Millesimo Septingentesimo Quarto, Regnorum Nostrorum Romani Quadragesimo Sexto, Hungarici Quadragesimo Nono, Bohemi
Leopoldus ci verò Quadragesimo Octavo.