Clemens ep(iscopu)s seruus seruor(um) dei Dilecto filio Magistro Vlrico de palemicz doctori
decretor(um) Canonico olomucen(si) sal(u)t(em) et ap(osto)licam ben(edictionem). Dilecti filij Magistri Johannis
prepositi eccl(esi)e sancti Petri in Brunna olomucen(sis) dioc(esis) apud sedem ap(osto)licam
constituti precibus annuentes, presentium tibi auctoritate mandamus
quatinus quicquid inueneris in eius preiudicium temere attemptatum
postquam idem Magister Johannes causa peregrinationis et pro quibusdam suis
negocijs promouendis iter arripuit ad sedem ueniendi predictam in
statum debitum legitime reuocare procures. Contradictores per censuram
ecclesiasticam appellatione postposita compescendo. Dat(um) Vienne Id(ibus) Januar(ii)
Pontificatus n(ost)ri Anno Septimo