Ob Paupertatem PIUS P.P. VI.
Universis Christi fidelibus presentes literas inspecturis Salutem, et Apostolicam Benedictionem. Ad augendam fidelium Religionem, et animarum Salutem, celestibus Ecclesie thesauris
pia charitate intenti, omnibus utriusq(ue) sexus Christi fidelibus vere poenitentibus, et confessis, ac sacra Comunione refectis, qui Ecclesiam SS. quatuordecim Auxiliatorum Caadanensem
nuncupatam, Fratrum Ordinis minorum S. Francisci de observantia Reformatorum nuncupatorum Pragensis Dioecesis, ad quam, ut asseritur, devotionis causa magnus populi
christiani, et presertim peregrinorum sit concursus, in quocunq(ue) anni die devote visitaverint, et ibi pro christianorum Principum concordia, heresum extirpatione,
ac S. Matris Ecclesie exaltatione, pias ad Deum preces effuderint, Plenariam semel in quolibet anno unumquemq(ue) Christi fidelem lucrifaciendam, omnium peccatorum
suorum Indulgentiam, et remissionem misericorditer in Domino concedimus. Presentibus ad Septennium tantum valituris. Volumus autem, ut si pro impetratione,
presentatione, admissione, seu publicatione presentium aliquid vel minimum detur, aut sponte oblatum recipiatur, presentes nulle sint. Datum Rome apud S. Petrum
sub Annulo Piscatoris die XXIV Januarij MDCCLXXX Pontificatus Nostri Anno Quinto
Publicentur
Th(omas) Jo(ann)es Hrdlizka
Vic(arius) Gen(era)lis, et Offic(ialis)
Benedictus Stöber
Cancellarius.
Gratis pro Deo etia(m) Temp(o)r(e)
J. Cardin(alis) de Comitibus
Ing(rossata) Lib(ro) Brev(ium) sub litt(era) Q fol(io) 209.