In nomine sancte et indiuidue trinitatis. Amen. Quoniam ut dicit phylosophus
omnium habere memoriam et in nullo penitus oberrare pocius est diuinitatis
quam humanitatis. et ne tempore labente cum processu temporis simul labantur.
consciri fecimus ea que nobis mediantibus aguntur. Nos igitur frater dominicus Gardianus
in brux. confratresque mei videlicet frater Martinus dictus tecladrima. fraterque wolfinus dictus
Cemisa. totusque conuentus eiusdem loci. Notum esse volumus vniuersis christi fidelibus tam pre
sentibus quam futuris. quod ex vnanimi nostrorum fratrum consilio. censum in kayaw. scilicet mediam
Marcam. fratri Rudlino Summo magistro cruciferorum cum stella. in domo sancti francisci
in pede pontis prage. totique conuentui eiusdem ordinis. pro iiii sexagenis grossorum dena
riorum libere et legittime vendidimus perpetue adhabendum. Vt ergo empcio predictorum
reuendorum virorum. nostraque vendicio. a nobis nostrisque successoribus firma et in
violata perhenniter permaneat. presens scriptum. sigillo nostre domus fecimus roborari.
Datum Anno domini. M. ccc. xiii. Nonas februarii.