Wir Joha(n)s von Lubben bekennen offinlich vnd tu(n) ku(n)t allen den dy den briff
worteten vns ansehen adir horen lesin daz wir vnserm getruwen manne tinstan
Eros vnd synen erben wonhaftik in deme dorfe czuw Gosin glegin haben gegu(n)t
vnd gu(n)nen von sunderlicher gunst uf vierdehalbn huben eyne mark geldis czu
vorkoufen vmme achte mark pragschir groschen goliczsch zal uf alle iar ouch den er-
bern heren dem kampen(er) czu Rychinbach vnd synen brudern sence Johannis ordin(is) an
den achtin sence Mertins an alle hyndernisse alle iar czu gebin vnd czu rechin als
uf deme vorgenanten gute mit vnsim guten willen vmme den vorgenanten czins
czu stendin uf syme genanten gute czu glegin Were abir ab vns vorgenanter man
syne kynder adir nachkomelinge vbir dy iar adir vmbas den vorgenanten czins
widir gekoufen mochte So sullen dy vorgenanten heren syn syner erben vnd nichtes
umbingen den genanten czins widir czukoufen gebyn vm achte mark als sy in
dir erstin gekouft haben Czu eyner bevestnunge dez briffis habe wir den briff
gegebin vorsigilt mit vnsim Ingesigel in deme nehestin suntage vor sence Lucie
als nach gotis geburt dryzenhundert iar in deme sibin vnd fumfczigstem iare
Vor den geczugen petzen linien Cunczel schoper Arnolde valderam hannison Cunczils
vnd petzen geber burgern czu Rychinbach