In gotis namen amen Wir Hanns von bebinfteyn vnde wir Hanns der eldiste von bebinfteyn als dy selbschuldigin vnde wir Hanns vbering von bebinfteyn als
eyn burge mit vnfin erbin bekennin offinbarlich mit desim brife vor alle den dy yn seen adir horin lesin daz wir mit gutin gescheffte vnde mit rate vns
herrn knecht von hugelwicz kmture zu dem totez vnde herrn niclos kmture zu Rychmbach beidin sente Iohans ordins vnde ouch dem selbin ordin ewgen margt
Ierlichis czinsis prager grossin polemischer zal emme sechczin marg vnde emme hndirt marg prager grossin polemischer zal dy sie vns vorguldin
vnde bezalt habin den selbin zins ewgen marg globe wir mit gesamptir hant vngesundirt ewgen tage zu hant noch sente Michels tag alle Iar den vorge
sprochin herrn knecht von hugelwicz vnde herrn niclos kmture zu Rychmbach vnde dem ordin zu gebin zu bezalin vnde zu leystin in der stat zu Rychmbach
mit vnfin botin mit vnsin schadin vnde mit vns zeringe vnvorczogin in gutin erbin an alle argelist vnde an alle wedir rede zu habin vnde zu besiczen
den vorgenantin zins ewgen marg vf vns vnde in deme vorgenantin dorfe zu dem totez gemachsam vnde vridelich vnde vngehindirt von vns vnde von
vnsin erbin vnde von vnsin elichin nochkomelingin vnde von allin vnsin vndersezin nu vnde ewiklichen Wer is abir ab wir den vorgenantin herrn knecht
von hugelwicz vnde herrn niclos kmture zu Rychmbach vnde de ordin vf den vorgenantin tag den zins ewgen marg zu Rychmbach nicht bezaltin als vor is
geschribin stet so globe wir mit gesamptir hant vngesundirt in gutin erbin vnde an alle argelist vnde wedir rede yn in dy stat zu Rychmbach zu rittin
vnde yn in der selbin stat in eynir gemeinen herbergin eyn recht in legir zu haldin vnde nymir vs der stat zu komin is yn si denne daz wir den obgenantin
herrn knecht von hugelwicz vnde herrn niclos kmture zu Rychmbach vnde dem ordin den vorgenantin Ierlichin zins ewgen marg gancz vnde gar bezalin
Ouch wer is ab wir Hanns der eldiste von bebinfteyn vnde wir Hanns von bebinfteyn dy selb schuldigin von gotis wegin vnde von des todis wegin abe
gingin So globe wir Hanns vbering von bebinfteyn mit vnfin erbin den vorgesprochin zins ewgen marg den vorgenantin herrn knecht von
hugelwicz vnde herrn niclos vnde dem ordin vf den selbin tag in der vorgenantin stat zu Rychmbach in gutin erbin an alle argelist glichir weis zu
bezalin in alle den gelobdin vnde vnderseyt als vor is geschribin stet Ouch wer is ab vns herre der keysir adir sine ambtlutin dy vorgesprochin
herrn knecht von hugelwicz vnde herrn niclos vnde den ordin hindirtin daz yn der obgenante zins ewgen marg nicht gebile So globe wir mit gesamptir
hant vngesundirt sie des intwerin in gutin erbin an alle argelist vnde wedir rede vnde suln eyn zins also lange hebin weis daz wir sie hundirt marg
vnde sechczin marg in der stat zu Rychmbach gancz vnde gar bezalin Doch in sulchir vnderseyt wer is ab wir also stathaftic wirdin daz wir den
vor genantin zins ewgen marg woldin wedir kousin von den obgenantin herrn knecht von hugelwicz vnde von herrn niclos vnde von iemanden noch sente
Michels tag welczis das were in dem Iare ebin den sente dy obgenantin herrn knecht von hugelwicz vnde herrn niclos vnde den ordin bezalin hundirt marg
vnde sechczin marg zu male mit enandir in der stat zu Rychmbach so sollin dy ewgen marg zins wedir an vns geballin Zu vrkunde dis brifes den wir
habin vorinsigilt lasin mit vnfin an gehangin ingesigeln Gegebin vnde geschehin zu dem totez an deme nestin sintage vor pfingstin noch gotis geburt
tusent Iare vnde dry hundirt iare vnde in dem dry vnde sechczigstin Iare kegin wortigin den erbirn lutin herrn Emmer pfarrer zu deme totez
pesolt von tornow niclos schultheys von dasarte her Iohis probist in dem spital zu Rychmbach vnde meyst Cuncze stat schriber zu Rychmbach mit
andirn bedirbin lutin vil