Wir Ferdinand von Gots gnaden Römischer Zu
Hungern und Behaimb Khünig, Jnfant in Hispanien, Ertzhertzog
Zue Osterreich, Hertzog Zue Burgundi, Steyr, Khärndten, Crain und
Wirttenberg, Grave Zue Tyroll etc. Entbietten Allenn und Jeden un=
serm Unnderthanen und getrewen, Geistlichen und Weltlichen,
was wirden, Standts, unnd Wesens, die in Unnsern Nider Osterreichi=
schen Landen gesessen, die, denen diser Unnser brieff fürkhumbt, oder
Zu wisen gethan wirdet, unnser gnad unnd alles guets.
Nachdem wir auß täglicher erfarung befinden, das unnsere etliche
Edelleüt und Unnderthanen, unangehen unnsere hievor außgegang=
ne General Mandaten, und gebotten, von den Bischoffen, Ebbten,
Pröbsten, Pfarherrn, Beneficiaten, und andern Geistlichs Standts
Personen, der Geistlichen Stifftung Güetter unnd gütter, ausserhalb
unnser bewilligung, khauff, pfandt weis oder leibgeding weiß
auff thuen, dero zins, aigen, oder umb leib oder auf ein bestimbte
Anzall Jar an sich Ziehen, und Jnnemen, dadurch nit allain blöße güet=
ter beschwert, sonndern auch vil derselbigen gar von den Stiffften
entwendet unnd entzogen, unnd also die Stiffftungen an jren ein=
khommen hochgeschwecht, und etlich gar in Abfaal khumen unnd
außgelegt werden, und aber den Bischoffen, Prelaten, Pfarherrn
und andern Geistlichs Standts Personen, Sölche verenderung
der geistlichen gütter, ausserhalb unnserer als Jngewenden Herr
Landtsfürstenn und Patron der geistlichen Stifftung bewilligung
und andern gebürenden Rechtmessigen Solenniteten Zuthuen gar
nit gebürt (: wie sie das des Jnhalts und mainung der Geistlichen
Rechten, weder fueg noch macht haben :) Unnd auch sölche Verende=
rung der geistlichen güetter Zuthuen, auch Zügestatten, das die Bischove
Prelaten, Pfarherrn oder Beneficiaten, wie vorfare Nachtaillige
Contract, verschreibung, verweisung, oder leibgeding der Stifft gütter
(: Sölche verschreibung und Contract weren dann mit unnserm wissen
und bewilligung rechtmessiglich beschehen und aufgericht :) Städt unnd