Gregorius ep(iscopu)s seruus seruor(um) dei. Uenerabilib(us) fratrib(us) Archiep(iscop)is. et Ep(iscop)is. et dilectis filijs Abbatib(us). priorib(us). Decanis. prepositis. archidiaconis. et alijs
eccl(esi)arum prelatis ad quos littere iste peruenerint. Sal(u)t(em) et ap(osto)licam ben(edictionem). Non absq(ue) dolore cordis. et plurima turbatione didicimus. q(uo)d ita in plerisq(ue)
partib(us) eccl(esi)astica censura dissoluitur. et canonice sententie seueritas eneruatur. ut uiri religiosi. et hij maxime qui per sedis ap(osto)lice priuilegia maiori
donati sunt libertate passim amalefactorib(us) suis iniurias sustineant et rapinas. dum uix inuenitur qui congrua illis protectione subueniat. et pro fouenda
pauperum innocentia se murum defensionis opponat. Specialit(er) autem dilecti filij fratres Hospitalis Ierosolimitan(i) tam de frequentib(us) iniurijs quam de ip(s)o co
tidiano defectu iustitie conquerentes. Vniuersitatem u(est)ram l(itte)ris petieru(n)t ap(osto)licis excitari. ut ita uidelicet eis in tribulationib(us) suis contra malefactores eorum
prompta debeatis magnanimitate consurgere q(uo)d ab angustijs quas sustinent et pressuris. u(est)ro possint presidio respirare. Ideoq(ue) Vniuersitati ue
stre per ap(osto)lica scripta mandamus. atq(ue) precipimus. quatinus illos qui possessiones. uel res seu domos predictorum fratrum. uel hominum suor(um)
irreuerenter inuaserint. aut ea iniuste detinuerint que predictis fratribus ex testamento decedentium relinquuntur seu in ip(s)os fratres contra
ap(osto)lice sedis indulta sententiam excomunicationis. aut interdicti presumpserint promulgare. uel decimas laborum suorum habitas ante concilium ge
nerale quas proprijs manibus. aut sumptibus excolunt seu nutrimentorum ip(s)orum spreto ap(osto)lice sedis priuilegio extorquere. monitione pre
missa si laici fuerint. publice candelis accensis excomunicationis sententia percellatis. Si uero cl(er)ici uel canonici regulares. seu monachi fuerint
eos appellatione remota ab officio. et beneficio suspendatis. neutram relaxaturi sententiam donec predictis fratribus plenarie satisfaciant et
tam laici quam cl(er)ici seculares. qui pro uiolenta manuum iniectione anathematis uinculo fuerint innodati cum diocesani ep(iscop)i litteris ad se
dem apostolicam uenientes ab eodem uinculo mereantur absolui. Villas autem in quibus bona predictorum fratrum. uel ho
minum suorum. per uiolentiam detenta fuerint quamdiu ibi sint interdicti sententie supponatis. Dat(um) Anagnie
VI. k(a)l(endas) Septembr(is) pontificatus n(ost)ri Anno Primo.