Alexander ep(iscopu)s seruus seruor(um) dei. Dilectis filijs .. Mag(ist)ro et fratrib(us) domus hospitalis sancti Johannis Jerl(i)mitan(i) sal(u)t(em) et ap(ostoli)cam
ben(edictionem). Desiderijs u(est)ris in hys affectu beniuolo libenter annuimus p(er) que materia submota grauaminis u(est)ri status tranquillitas p(ro)ueniet. Sane petitio
u(est)ra nobis exhibita continebat q(uo)d nonnulli Nobiles Regni Sicilie super p(ro)uisione sibi facienda ab eccl(esi)js (et) monasterijs certarum Ciuitatum (et) dioc(esium)
ac p(ro)uinciarum exemptis et non exemptis generales (et) speciales a nobis sub certis formis ad diuersos executores litteras impetrarunt. quarum p(re)tex
tu super p(ro)uisione sua uos multipliciter inquierant. Quare nobis humiliter supplicastis ut cum bona domus hospitalis u(est)ri sint Terre sancte
subsidio deputata p(ro)uidere uobis super hoc paterna sollicitudine curaremus. Cum autem n(ost)re intentionis non fuerit nec existat ut ad uos uel do
mos uestras huiusmodi littere se extendant q(uo)d per litteras ip(s)as uel aliquas alias super p(ro)uisione talium a sede ap(ost)olica impetratas
aut etiam impetrandas que de presentibus plenam (et) expressam non fecerint mentionem ad p(ro)uisiones huiusmodi minime teneamini
nec ad eas compelli possitis deuotioni u(est)re aucto(r)itate presentium indulgemus. Nos enim excommunicationis suspensionis (et) interdic
ti sententias siquas in uos uel aliquem uestrum aut domos et eccl(esi)as uestras contra huiusmodi indulti tenorem p(ro)mulgari con
tigerit decernimus irritas (et) inanes. Nulli ergo omnino hominum liceat hanc paginam n(ost)re concessionis et constitutionis infrin
gere uel ei ausu temerario contraire. Siquis autem hoc attemptare presumpserit indignationem omnipotentis dei et beator(um) petri et
pauli ap(osto)lor(um) eius se nouerit incursurum. Dat(um) Lateran(i) x k(a)l(endas) Martij pontificat(us) n(ost)ri Anno Septimo.