Die czweytract die do gehabent ist gewest alluschen dem Erbir vnd geystlichin herrn Joste vom Goltberge Compthur des hawsses vnd
pfarrkirchen czu Reychinbach des ordens Jherosolimitani an eyme teyl vnd deme Erbir weltlichin heyneman petirswalde am andirn teyl
als von des obirsten gerichtes wegin czu Erisdorff do sint sie gancz vnd gar mit beyder teyl wille vnd volbort fruntlichin entsait beredt
vnd gutlichin entscheyden Also als der Compthur von Reychinbach in dem selbin dorffe vnd gute czu Erisdorff hat Sechs czinshafftige huben
vnd andirhalbe Rutte vnd als des Compthurs lewte besiczer der selbin Sechs czinshafftige huben vnd andirhalbe Rutte des selbin be=
dorffen adir sost ymandes in en des rechten bedorfften des Rechten sullen sie pflegen vnd gebruchen vor deme gemeynen Schultissen
czu Erisdorff vnd des en mit dem Rechten do angebunnen wirt adir ab sie vorbrochten do sal sie heyneman petirswalde vnd syne
eliche erben mit den bussen weysen an den Compthur czu Reychinbach der yczundt do ist adir czukunfftige do wirt syn des Schultissen czu
Erisdorff dritte pfennyg vnschedelichin Ouch ab geste adir ellendisse lewte sich opgeten adir vffhaldten vff den eynantn Sechs czins=
hafftign huben vnd andirhalbe Rutt die sal heyneman petirswalde vnd syne erben vnd nochkomlinge Richten von des obirsten gerichtes
wegin von den Compthur in Reychinbach der yczund do ist adir mankunfftige gcuten do wirt syn vngehindert Ouch beyder teyl briffe vnd
gewissen vnschedelichin die sie vorwolt habin dese berichtunge ist gescheen mit des hochgebornn fursten vnd Erwirdigyn In goth vatir
vnd herrn hern Wenczlawe Bisschoff czu Bresslaw wille wort vnd geheysse des auch die beyde teyl In gedanket habin als eym gnedigin liben
herrn Do by sint gewest der Erwirdige geystliche herre brudir Johannes Apt czu Chamencz vnd die Strengin woltuchtigin her heyncze
pogel Rittir her ffranczko petirswalde Rittir Cleygand von Richenaw marschalk petir hawsske petir luckaw homptman czu Othmuchaw
Wolffhard von Richenaw als Sunderwthe vnd vorrichtlewthe die auch desin briff an eyme woren bekentnis dorch beyder teyl bette wille
habin lassen vorsigeln mit iren anhangenden Ingesigeln Gescheen vnd gegebin czu Othmuchaw an Sand katherinen obind der Juncfrawen
1417 vnd mertherynne Noch gotis geburthe firczenhundirt Iar vnd in dem Sebinczenden Iare