Ich pruder pichtolt von saliza commenduwer ze mewerperg. vnd der covent aller gemae
veiehen an disem brief vn(d) tvn chvt allen den die dysen brief lesent oder hovent lesen. die
nv lewent vnd her nach chvnftich sint. daz vlreich von dem sweikers hat ein ganzes lehen
datz dem diepolts ze echtem pvrchrecht. von dem hous ze mewerperg. vn(d) von den brvdern also
daz er alle iar oder wer daz vorgenat lehen inne hat. Anders niht dienen schol Wan an sand
iorigen tach zwelif pheninge Wiener mvnz von dem selwen lehen. daz nv dysev red stet vn(d)
vnzebrochen beleib. vnd daz gelvb. des gib ich pruder pichtolt vo(n) salza der vorgenat. vn(d) der co
vent. vlreichen dysen brief mit meinem insigel. vn(d) mit des covets insigel ze einem vrchvnde.
vnd des ist geziwch pruder vlrich der prior. vn(d) pruder eberolf. vn(d) bruder fridreich der Wedlinger.
vn(d) pruder vlreich der pvchpger. vn(d) pruder houch der ekhartlower. vn(d) chvrat der chamerer.
vn(d) fridreich der chaerer. vn(d) herma(n) der stroman. vn(d) ander erber levt. dyser brief ist gegebe(n) do vo(n)
christes gebvrt ward erga(n)gen drevzen hvndert iar. vn(d) in dem nevten iar an sand gregori tach.