Ich Lamprecht der Turs. vnd mein Hausvrow D(iemut) preid(en) wir veriehen an dem brief. vnd tůn chunt allen
den di in an sehent. oder horent lesen. paidev di nu lebent. oder her nach chůnftich werdent. daz wir mit zei
tigem tåt. vnd mit gůtlichem willen. vnd mit gunst vnserer erben. ze der zeit da wirs wol getůn mochten. ver
chaufet haben vnsers rechten aigens drev pfunt geltz. wienn(er) pfenning an sechtzehen pfenning. der da zwai pfunt
gelegen sint. dacz dem Leutmans. auf zwaim lehen. so sint der andern pfenning virtzehen vnd siben schilling d(enariorum)
sint gelegen dacz Půchouen auf ainem halben lehen. vnd auf zwaim hofstetn. vnd haben daz vorgenant gůt v(er)
chaufet mit allem dem nucz vnd recht. als wirs her haben gepracht in aigens recht. vmb achte pfunt wienn(er)
pfenning. der wir recht vnd redlaich sein gewert. dem erbarn manne. Ortleib von Zwingendorf. vnd sein Haus
vrowen vrow Margarethen. vnd allen irn erben. vmb daz ledichleichen vnd vreicheichen ze haben. vnd allen irn nucz
da mit ze schaffen ze chaufen. ze seczen. oder gebn swem sew wellen an allen irrsal. Wår aber ze ainer pesser si
cherhait. secz ich mich Lamprecht der Turs. vnd mein Hausvrow D(iemut) preid(en) vnd vnser paider erben. den vor
genant(en) Ortleib vnd seiner Hausvrowen. vnd ir paid(er) erben ein recht(er) gewern vber daz vorgenant gůt als
aigens recht vnd gwonhait ist in dem lande ze Osterreich. Vnd dar vber gib ich Lamprecht der Turs. in
disen brief. ze ainer gwisheit der vorgenanten red. vnd ze einer vrchunde d(er) warhait. besigeltn mit meinem
Insgel. vnd mit h(er)n Haugen Insigel des Tursen. vnd mit h(er)n alberts Insigel von Witenstain. di diser sache ge
zevg sint. vnd anderr piderber leut genůg. Diser brief ist gegebn. do nach Christes geburt wården ergan
gen. dreuczehn hund(er)t iar. vnd nach in dem achczehentem iar. des sunnentaigs nach sant Niclas tag.