Ich Chůnrat der Pliem vnd mein Hausfraw Elispet vnd mein Sun Seydcz mein sun dietel mein
sun Chůnrat mein sun Eidel vnd mein tocht(er) Margret vnd mein tocht(er) Geysel vn(d) all mein erben. Ieich
vnd tůn chvnt allen den di disen p(ri)ef lesent oder horent lesen. Daz ich mit gůtem willen. In mit
vdachtem můt vnd mit gesamt(er) hant mit mein(er) frevnt rât. ze der zit do ich ez wol getůn mocht.
gegeben hân den erbâren h(er)ren sand Johans ordens ze Mâwperg ein halbsphvnt gvlt wienner
phennig. Auf einem halben lehen daz da leit ze Wetzelsndorf. vmb nevnthalbsphvnt wienn(er) phennig.
vnd pin dez selben gelts. Iricht gâr vnd gânczlich. Dar vmb vergewis ich mich Chůnrat d(er) Pliem
vnd mein Hausfraw vnd mein uorgenant(en) erben. swa di uorgenanten h(er)ren icht an gieng chrieg oder anval.
vmb daz selb halbsphvnt gvlt. daz svll wir in auz richten an all wider red. tât wir dez nicht. so
sullen si ez haben auf all dem gůt daz wir haben in dem Lande ze Osterreich. Vnd daz den
uorgenanten h(er)ren diz gelůb stât vnd gancz beleib. dar vber gib ich in Chůnrat der Pliem disen
p(ri)ef sigelten mit meinem insigel. Diser sache sint geziug. d(er) erbr(en) h(er)ren ze Mâwperg pruder
hainrich von schaůnberch. pruder fridrich vo(n) waidburch pruder albrecht von hohenlo. pruder haug
von Ekkargaw. vn(d) ander erbâr leut genůg. Daz ist geschehen do von christes gepůrte wâren
ergangen drevzchenhund(er)t iâr dar nâh in dem vier vnd zwainczigsten iâr an sand G(re)gorgen tag.