Ich pruder Hainreich von Schaunbach sand Johans orden zeu den zeiten Maister ze Meurwach vnd der Conuent gemain alda chund(en)
da selbs Wir tuchen vnd tün chunt allen den die disen prief lesen oder horen lesen die nü leben vnd hernach chunftig sint
Daz die erbn leute Gotschal von Hantz Egenwarte sun von wesen vnd Chunrat von Hockenbach haben durch lieb
vnd durch güt durch got vnd durch ir sele hail wille vns geben achtzich phunt wienner phennig dar vmb wir ge
chauft haben von den erbn herren hrn Maerthen von Pömngarten vnd hrn Leutolt seinem sun vnd von hrn Ma
tolden von Pegelstorf vnd hrn Otten von Pömngarten vnd hrn Wilhalm seinem pruder vnd von hrn Johans von Cle
ment vnd Jersint seinem pruder vnd von allen iren erben daz aigen daz da leit ze Hantz auf ainem lehen daz sie
von den vorgenant(en) geerbn von Pömngarten zu lehen gehabt haben vnd auf ainer hofstat die ains tail von
Hantz auch von in zu lehen hat gehabt vnd die nü der vorgenant Chunrat von Hockenbach von in gachauft hat zü
rechten erbe vnd allez daz dar zu gehort Vnd han auch die egenant(en) Gotschal vnd Chunrat daz vorgenant lehen von
vns zü rechte purchrecht enphangen zeleicher sam tail daz selbe lehen Vnd besunder Chunrat von Hockenbach hat die
vorgenant aine hofstat auch zü rechtem purchrecht von vns enphangen Also daz die selben Gotschal vnd Chunrat vnd
ir erben die daz inne haben alle Jar vns vnd dem hause zü Meurwach dienn schulln von dem lehen zwelf wienner
phennig an sand Jorgen tag Vnd besunder Chunrat von Hockenbach sol an dem selbn tag vns dien von den ainer
hofstat sechs wienner phennig Vnd wan die egenant(en) Gotschal vnd Chunrat vns vnd vnser orden vnd daz haus
zü Meurwach an den sachen betriwet haben vnd die beschaidenhait erzaigt so wol wir sie betrachten vnd herwider be
triwen vnd auch beschaidn sein vnder vnser purchrecht leute als ez wol pillich ist Vnd haben in daz mit gemaine rat
vns(er)s Conuents vnd vrkunden mit in in disem prief daz wir daz vorgenant aigen von vns noch von dem hause von
Meurwach iemands noch v(n)s enphremdn schulln mit vachaufen mit versezen mit wechslen noch mit dehainer laije sache
da mit ez von vns zü fremder hant mocht chomen Vnd haben in auch den selbn Gotschal vnd Chunrat vnd alle
iren erben daz wir and(er)s reht(e)s gen in nicht haben schulln nur den dinst von dem purchrecht als vor geschribn stet
Vnd schulln auch ze bei vmb clage dahain recht nicht von in tün ez sei dan ir gütleicher wille vnd ob sie ez verleicho(n)n
Vnd wer auch daz Gotschal vnd Chunrat vnd ir erben aus dem egenant(en) lehen zelaenigen wolten aether hingeben
vnd vachaufen daz schulln wir in wol günnen Vnd schol dann aje die gewantten der vachauften acker vns dien
ainen wienner phennig an den vorgenant(en) tag Vnd iedoch von dem and(er)n daz vnüchauft bleib bei dem hofmar
chen daz egenant(en) lehens oder ob die hofmarch allain bliben iedoch sol man vns dienen da von die zwelf
wienner phennig als vor gesprochen ist Vnd daz dem vorgenant(en) Gotschal vnd Chunrat vnd iren erbn
die red stet vnd vngbrochen bleib dar vber geb wir in disen prief ze a(i)n(e)m offn vrkunt diser sache
vesigelt mit meins insigel pruder Hainreichs von Schaunbach vnd mit vns(er)s Conuents insigel von
Meurwach Der prief ist gegeben nach Christ(i) gepurt dreizehenhundert Jar dar nach in dem vierzigeste(n)
Jare an sand Veits tage des heiligen marters