Ich Fridreich d(er) A(n)d(er) von P(e)sp(er)n vergich offenlich an disem p(ri)ef alln leuten die nv lebent od(er) h(er) nach chv(m)mftich sind Daz ich v(er)chauft han
In den zeiten da ich ez wol getvn mocht vnd nach mein(em) pesten fvrm(en) rat Drev pfvnt Wienn(er) pfenn(ing) gelts die da ligent dvrch den
Altman(n) auf vier lehen vnd auf zwain hoffstet(en) vnd auf vberlin akern dem Gothauz ze P(e)sp(er)n pey d(er) zeyt vnd h(er)n fv(e)rsten dem
pfarr(er) daselb(es) vnd alln sein(en) nachome(n) vmb zwainvndreizzich pfvnt Wienn(er) pfenn(ing) d(er) ich gancz vnd gar v(er)richt vnd gewert pin
Nv sol au(ch) d(er) pfarr(er) ze P(e)sp(er)n od(er) wer nach im da pfarr(er) wirt von den drein pfvnt(en) gelts eine ebigen Jar tag wege(n) dem Erbn
h(er)ren h(er)n Chv(n)ratten von Svnnb(er)ch Es sind auch die drev pfvnt gelts mein egendv(m)b Fridichs des A(n)d(er)n mein(er) reht(en) an(n)treht
gewesen von den erbn h(er)ren ^3w^ p(er)g vnd dient man im nach Jerlich da von an sand Michels tag sechtzehen Wienn(er)
pfenn(ing) Die im d(er) egendvt h(er)n ^3w^ d(er) pfarr(er) ze P(e)sp(er)n auz gezaigt hat Daz man im die diene sol dvrch den Altman(n)
von zwain lehen die yeczvnt in hat d(er) hayge Chv(n)rat d(er) P(er)t vnd dient auch d(er) selb dem offte genante(n) pfarr(er)
ze P(e)sp(er)n von den selbn zwain lehen Nv(e)n schilling gelts an sand Gorgen tag vnd an sand Michels tag vnd des selben diest
wirt er sechtzehen pfenn(ing) den h(er)n hincz Aerp(er)g vnd gent im auch ab an den Nv(e)n schilling Daz disev red stet bel(ei)b
ster vnd vnczebrochn beleib vnd auch diser chauf so gib ich disen p(ri)ef v(er)siglt mit mein(em) Insigl vnd mit des erbn h(er)ren
Insigl Graff Hainrichs von Scha(m)b(er)ch ze den zeit(en) ob(er)st(er) marschalch d(er) h(er)ren In O(e)sterrich vnd mit h(er)n fv(e)rsts des pfarr(er)s Insigl
ze P(e)sp(er)n D(er) p(ri)ef ist gegeben nach Christes gepurd drevzehen hvnd(er)t Jar dar nach in dem ain vnd vierczigstem Jar dar nach
an sand Michels tag