Ich hartman von hollenstein tůn allen den chunt. die nv lebent vnd hernach chvftich sint. daz ich mit gvůtem willey
vnd ovch mit zeitigem rat. vnd ovch meiner hovsfrowen elsbeten mit gvůtem willey. vnd ovch meines svns ~...~en. gegevey
haben dem hovs hinz neweperg. fvnf. vnd dreizich phenning geltes. vnd zwai hvůne. von den echern zen manho
ven. bei hattaz. aignlich vnd ewichlich ze haben an alle ansprach. Daz disiv red stet vnd vnzebrochen beleibe. des
gib ich dem vor gesprochen hovs do ze neweperg die vestvnge mit den insigelen die an dem brief hangent. vnd ovch
mit den zivgen den disiv sach wol chvnt ist. Daz ist may her ott von gvttat. vnd her marchart von habenwerth. vn(d)
her heinrich von stůstorf. vnd h(er) heinrich von hakewerth. vn(d) her wolfram von pacmanstorf vn(d) he(r) friderich von haben
werth. vnd he(r) rvgert von hattaz. vn(d) her reinwein von stůcedorf.