Ich chvͤn der schench vnd ich kaͤty sein hausfraw vnd ich wilhalm ir svn ögechen vnd tuͤn
chvnt allen den di disen priͤf lesent oder horent lesen daz wir mit dachtem muͤt zv der
zeit do wir iz wol tuͤn mochten den erbern herren vnd dem haus ze sant Johans in
der chernerstraz ze wienn haben ze chaufen geben sechtzechen phennig geltz di si
vns al iar drentt vm ein halphunt wienn(er) phennig der wir recht vnd redleich ge
bert sein vnd si furbaz von vns vnd von vnsern erben an al ansprach weleiben dar
vm gib ich in chvͤn der schench disen priͤf zu einem waren gezeug vnd zu eine(m)
rechten vrchund besigelt mit meine(m) in sigel. Diser priͤf ist gegeben do von chri
stes gepurd ergangen waz dreuzeihen hvndert iar dar nach in dem drew vnd
zwaintzigsten iar an sant cholmans tag