Wir Albrecht von gotis gnaden Margraff zu Brandenburg Burggraff zu Nurenberg vnd von kuniglicher gewalt
von Behemen hawptman in Slesie vnd zu Bresslaw Bekennen offinlichin mit diesim kegenwertigen briue das vor
vns vnd den edeln gestrengen Ernygen petirn vom zabor Nithasslaw Somerfeld Conrod luclow petir kistan henricz
dompnygen hannosen pol vnd Conrad Campor onse hern des koniges von Behemen mann Jngehegetim dinge
do der Euchtige hanns Seidlitz onser hofferichter von onsin wegin das gerichte sas orteil vnd recht gebin hot
beweisit der Statheldir vnd der Comptor mit czween onuesprochin mannen irs rechtin dassie die wolff snedn
ge Jekliches zinsis von der Schultisseie zu monchsdorff gehabe vnd dy gehabin habin nemlichin drey adir vier ior
vor der ketzerey also e dy ketzir in dis land mit herczogm geczogm sint vnd sie ouch den kiczern in in ge
billichin bey sulchin aldin besiczungen moglichir wenn das dy frawe sie gewin mag mit iren aldin briuen
der das guet nicht lewintlichin besagte von rechtis wegin Dasselbe ortel vnd allis das vorgeschrebin stehe habin
wir stete vnd gancz vnd bestetigen das von kuniglicher gewalt von Behemen der wir gebruchin mit dem kuniglichin
Jngesegil der landlute des fursthinmes zu Bresslaw das do ist zu sehin vnd zu sachin das an diesim kegenwertigin
breff ist gehangin Gebin zu Bresslaw an der methewochin noch der heiligen dreyfaldikeit tage Noch cristi geburt
vierczehnhundert ior vnd dornoch in dem Newnvnddreissigisten Jare Dobey sint gewest die edeln die obingeschrebin stehn
1439
vnsirs hern des koniges von Behemen manne vnd hanns Banckow Canczler des vorbenumten fursthinmes zu Bres
slaw der diesim kegenwertigen breff hot gehabe in beuelhunge

Snia dno(rum) Co(m)mendator(is) et
Co(m)mendator(is) corp(or)is xp(ist)i