Wir hernach geschrebin Niklas lompshain vnd George sterbing hemptin zu Nymptsch an eyme teile henze
hebing vnd hannos staffilwag am andir teile Bekenn offintlich in desim briue allen die en sehin adir
horen lesin das wir ein entscheide vnd vorrichtunge gemacht habin czwisschin den wirdigin hrn vnd
crewczigin des ordins sancte Johis von Jrlm vnd nemlich von wes ordins hawses wegin zu Breslaw
an eyme teile vnd matissen scholtisse von manchsdorff wes armen mannes vnd alle siner frunde
vnd geswister der her sich mit sime styffater vor vns gemechtiget hat am andir teile Czu dem
erstin das die vorgnan hrn vnd crewcziger matis scholtissen alle vngunst vnd vngnade vorlazin
vnd weiszin sallen ap her kegin en borochtiget adir in vnbemne vordechtnisse wer vnd nemlich der stad
Breslaw auch die gunst stadin sallen dieselbe gunst die sie em auch gethan habin also das auch in der
stadbuch geschrebin vnd gezeichnet ist Darnach der vorgnan matis mit sinen geswister frunden vnd
nachkomlingen die scholtisse zu manchsdorff mit dem kretschem ewiglich geruglich gemechlich
widir besiczen sal ane alle beswerunge der czinse die denn vor geczin dauon genomen sind awsgenomen
eins nwg grossin ewigs czinss die her vnd sine nachkomlinge dem vorgenan ordins hawse zu Breslaw
gebin vnd beczalin sal vor die schrifft als her die denn vormols vff sandte michils tag gegebin hat Auch
sprechin wir aws in desr vorrichtunge das die obgnan hrn vnd crewcziger matis scholtissen vor alle sine
ansprache die her denn gehabt hat zu dem ordin vnd nemlich von der czolffirdunge czinss wegin als her
spricht das man das mit vngleiche mee denn funfczig jar gehabin hette von dem vorgenan gerichte
das her beweist vnd beczeuget hat mit eime koniglichen briue der jm vnd den sinen durch recht zugeteilt
ist vnd dorot vnd allen sinen schad vnd armute die doruff gegangin ist Sallen jm die vorgnan hrn
vnd crewcziger wol zudanke gebin vnd beczalin nach dat dis briues Jnnobing eynem mandin czeen nwg
hillr vnd darnach zukunfftig vff die neste ostirfaste cwenczig nwg hillr die jm itzund gancz vnd gar
wol zudanke von den gnan hrn vnd crewczigin beczalt vnd gegebin sind Alle obgeschrebin geschichte vnd
saczung vnd vorrichtunge sind gescheen mit vollen wissen vnd voworte des wirdigen hrn heinrichs von rabinstein
stadhelder zu Behmen vnd polan dobei sind gewest die Ersamen her Johco Blanbes komptor zur alsin
her Johco nymptsch komptor zum brige her vczeng komptor zu kosing vnd her niclas haws kompt
zu Breslaw des zu eyme bekentnisse vnd warer sicherheit habin wir obingeschrebin smleute vnsr eygne
Jngesigel mit wissen an desin brieff lossin hengen der gebin ist zur slaw am sande mertenstage nach gots
geburd virczinhundirt jar darnach Jm vier vnd virczigsten jaren