Wir Innoce(n)cius Hie(ro)nim(us) Valentinus Leonhardi Burgermeist(er) Caspar Weisser Caspar Jestrin
Barthel Sebastian vnnd Jacob ander Rathmann der Statt Bresslaw Bekenn(en) offentlich thun
vnnd mit dissem brieffem kundt vor ydermeniglich gegenwertig das wir mit Raths wissen
willen vnnd wortt Vnnser Vleissigen Getrewen geschwornen Cammerer(n) meister aller gemeyne
Jnn anligender noth der Statt So wir vonn dem Wolbenampten Cristoff Karyssendorff vff
der Lewinberg erblich gekaufft hatten alle sein Recht ann dem Güttern Ottaw Wylsdorff
vnnd Lobkaw vff alle vnnd Jtzliche Renthe Zynse genysse vnnd Gethöffe der Statt verkaufft
vffgelassen vnnd vberreicht haben verkauffen vfflassen vnnd vberreichen hiermith
zum crafft disses brieues deritzhalben vngeuerlich geldt ader so vil geldis Jerlichs Zinses
Jher widerkauff vor dritthalbhundert vnge(r)isch guld(en) der wir alreit bezalt vnnd vorgulden(n) dem
dem Wirdigenn herrn priori des hausses zhum heiligen Leichnam Ordens Sanct Johannis von Jher(usa)l(e)m
vor Bresslaw gelegen Ewigenn vnnd künfftigenn Guttishalben guld(en) vor die Jnfirmaria ader Siechhausse
der gemeynen brüde(r) vnnd Güttern guld(en) dem Schaffer Jher hulffe vnnd besserunge der pfründen
do selbist Guleben Zynss haben die andechtigenn väter vnnd brüder obgedachtem hausses Vonn dem
Testamenten der Tzweiheundert vnnd dreissig vnge(r)isch guld(en) etwann von der Barbara Tytz(in)
Maltzhan(in) vnnd den dreissig vnge(r)isch fl(oren) Niclyklis ires hausses foyster Zukaufft aussgericht
vnnd bezalt Hieruff globen wir obgeschrieben(n) Burgermeister vnnd Rathmann vor vnns
vnnd vnnser Nachkomen vff Jubilate Festkünfftig vnnd hinfür Jerlichen vff Jubilate
tag an alle vffzüge ferien ader behelff obgedachten Zynss zu bezalen vnnd züge
fallen So lange Wir ehn zu vnns vmbvorgeschrieben Summa geld(es) wid(er)umb kauffen dorzu
denn vnns vnnd vnnsern künfftigenn Burgermeistern vnnd Rathmann volkömeliche macht
hirynne behalden Zcu Vrkundt haben wir vnnser Statt Jngesigel hinden lassen
hangenn Montags Nach Jubilate Nach Cristi vnnsers herrn Geburtt
funfftzehenhundert vnnd funffte(n)