Ich Dannes doring brud(er) des ordens sanct Joannis von iher(usa)l(e)m und Compt(ur) des
hawses zwom heyligen leichnam vor breslaw bekenne offentlich mit disem briue
das in meyner kegenwertikeit de Jorge Otte schulcz zum newedorffe mit den noch
hie nochgeschriben scheppin Mathis bartke Cristoff Junge And(re)s reutwitz paul
closse un(d) petir schulcz do selbist ding hafen Gestanden hot im gehegetym
dinge Dorothea haberstrom meyne und(er) sese un(d) hot uff gereicht dem
priori vor die sychen bruder zwo der infremaria unsers hawss eyne halbe m(ar)g
Jorliches zinses uff eynen morgen ackers in dem obgnanten dorffe gelegn uff
der rechten hant zwo nest der paul heynczin erbe Czir geben alle jor gleich an alle
hyndernis beu der pfandinge eyne halbe m(ar)g uff margarethe unvorzogelich
unde is di selbige obgenanthe Dorothea haberstrom adir syne nochkomelyghe
vormag abeczwlozen die selbige halbe marg So sal man ehr das vorgonen
abeczwlozen umb x marg hellir ganghafftiger moncze vorseffen zinsen un(d)
schedelich unde sunderlich des Compters erbzinse Des zwo eynem geczeug
nis habe ich obgenanter Compt(ur) meyn ingesygell an disen briff lossen
hengen Geschen noch crist geburth tausent funffhundert un(d) im viertzende
Jare den nesten montag noch martini