Johann vonn wartennbergk auff Strakonitz
Obriſter p(ri)or des p(ri)orats Behem

Unnſern grueſs Geiſtlicher Lieber Ordens brueder Wyr habenn
dein ſchreibenn in wellichem du deinn Schmerz der
Citacion wegen anzaigſt unnd unns umb gnedige
entſchuldigung deſſer beſchwerung anlangſt verſtandenn un(d)
Gebenn dir darauff Zu wiſſenn das wyr das nicht
weſſen wellenn iſt hierumb unſer guett gedunckhen du
weſt dich der Citacion nach unnd K(aiſerlicher) M(ajeſtä)t Commiſſarij
ſchickhen Weil well du dy priuilegia des Obriſten
Meiſters unnd p(ri)ors ſeiner genaden meldeſt Kannſt
du da bey well ermeſſen ob du dich mit ſambt
deinen bruedern alſo verhalten haſt oder nicht
dar nach deinn weſſen gegen Jtzgen Nach dem
weyſt du dich Zu richtenn Geb(en) Strakonitz
am tag nach ſanndt pauls bekerung im Jar (et)c
xxxviij