Wir Ratzmanne der Stadt Breßlaw vonn koniglicher gewalt vonn Behmenn haldend vnd verwesende die Hawptmanschafft Zcu Breßlaw
Bekhennenn vnd thuen khundt offentlich mit diesem brieffe vor ydermenniglich, das vor vnns bestondenn seynt, die wirdige vnd andech
tigen herren Michael mergener Comptor vnd neben jme bruder Martinus breben sacristanus, vor sich vnd jm nahmen der gantzen samp
liunge odder Conuents, der Crewtzheren des hawses sennte heyligen leichnam Zcu Breßlaw, Ordens Sancti Johannis von Jherusalem mit
dem Erbaren Lucassen Sazewitz irem hierzcu gekornen vormunden, woll gesunt leibes vnd der synnen mit wolbedachtem mutte vnnd
haben bekant vnd angesagt, das ehn der Erber paulus vnglebe vnser gesworner Stadtsoch furgeruget vnd bar gelihen hot funff
hundert gulden hungrisch gut am golde vnd rechtfertig von gewichte, die sie dem Edlenn vnd wolgebornen herren Jhanen vonn
Wartzenbergk dem eldern, obersten des priorats in Behmenn zcu Strakonitz irem gnedigen herrenn, auff seyner gnaden vleissiges
begeren widderumbe furgeruget vnd gelihen habenn, lauts vnd jnhalts seyner gnaden vorschreibunge, Dagegenn die genantenn herrenn
Comptor vnd gantz Conuent, dem gemelten paulo vnglebe Anne seyner ehlichenn hawsfrawen, jren erben vnd erbnehmenn, Jm nahmenn
eynes rechten widderkauffs auffgelassen abgetreten vorpfandt vnd vorsatzt haben in krafft dieses brieffes, jr vnd des ordens odder stiffts
gut vnd dorff Schymelwitz jm Newmarcktischen weichbilde gelegen, Mit allen vnd jtzlichen desselbigen guttes vnd dorffes rechten vnd gerechti
keyten, Auch sunst allen anderen feuchten, nutzungen, herschafften vnd geniessen, holtzlassen, holtzwerck, holtzhewen, obersten vnd
nidersten gerichten, Ezingen, diensten, hoffearbeiten, zcinsen, hünfen an gelde vnd getreyde, wasser, wassernutzen, teichen, teichsteten, wisen, see
hen, theimmen, welden, puschenn, kruticht, staudicht, holtzungen, weisen, wisewachs, Eckern, garten vnd vngarten, fischereyen vnd fischgengen
darzcu mit allen vnd jtzlichen desselbigen guttes vnd dorffes Schymelwitz eyn vnd zcugehorungen, gross vnd cleyn, wie die mit besundern
odder gemeynen wortten benant seynt, dauon vberall nichtes außgenomen vnd wie sollich gut vnd dorff in seynen zcynen vnd grentzen von
alters gelegen ist, Auch allermaßen der orden vnd sie das piszher haben jnnegehabt vnd besessen, alß vnd in gleicher weise mit allen den
selbien rechten, herschafften vnd geniessen, wie oben gemeldet, sollen auch genanter paul vnglebe Anna seyne hawsfrawe, jre erbenn
vnd erbnehmen, das obberurte gut vnd dorff Schymelwitz, doch nicht anders dann pfendtlich zcu widderkauff jnne haben, haldenn
vnd geniessenn, alles nach besag vnd jnhalt der Zculassunge des obgemelten herren Jhanen von Wartzenbergk des eldern obersten prior zcu
Strakonitz, So lange biß jme, seyner hawsfrawen, jren erben vnd nachkomen, solliche funff hundert gulden hungrisch wie oben gemeldet
von dem gedachten herren Comptor vnd Conuent widder gegeben werdenn, Es soll auch genanter paul vnglebe Anna seyne hawsfrawe
jre erben vnd nachkomen, volle macht haben, das angeczeyte gut vnd dorff Schymelwitz widderumbe, wann es ehn beqweme odder
von noten sein wurdt, weytter zcu vorpfenden, zcu vorsetzen, doch nicht hocher wann vmb die vorbenumpte Summa der funff hundert
gulden hungrisch in gold, vnnd zcu letze haben sich obgenanter herr Comptor vnd Sacristanus vor sich vnd jm nahmen des gantzen
Conuents, bewilliget vnd zcugesaget, wann er das Conuent odder jre nachkomen in vermogen seyn werden, solliche Summa gelds wie oben
gemeldet, widder zcu gebenn, so sollen vnd wollen sie odder jre nachkomen, genantem paulo vnglebe Anna seyner hawsfrawen, jren erben
vnd nachkomen, das eyn halb jar zcuuor glawbwirdig anczeygen vnd wissen lassenn, Dasselbie bekhenntnis, vorpfendunge, auff
lassunge vnd alles das so vorgeschrieben stehet, habenn wir stete vnd gantz vnnd bestetigen die vonn koniglicher gewalt von beh
menn, des wir gebrauchen mit dem koniglichen Jngesigell der Landtstewre des furstenthumbs zcu Breßlaw, dasto ist zcu erbenn
vnd zcu pflegenn vnd an diesen kegenwertigen brieff gegangenn, Gebenn zcu Breßlaw am Sieben vnd zcwenzigstenn tage des Monats
February, Nach Christi vnsers herrenn geburt funfftzehnhundert vnd jm Acht vnd dreissigstenn Jare, Darbey seynt gewest
die Edlenn Cristoff vitzendel vonn tschzeponitz, hanns Seydlitz vonn Bolaw, George Rombabe von Cadelaw, Nielas Seydlitz von
Schymelwitz, herr Johannes agetzler beider rechten doctor, Ambrosius fenestrich, Anthonius hornigk vnd Mathias lawßnitz vnsers
<transcript stopped because model output began looping; manual review required>