Vnser Eruus N. wolgeborn sonder lieb herrn vnnd
freundt. Eüch sein mein freundtlich willig dienst Jeder
zeitt berait Der wolgeborn herr herr Jhan der Elter
von wartemberg Prior zu Strakonitz hat mich hewte Ange
lanngt. Eüch zuschreiben vnnd zuermanen, Nachdem
der Comenthur zum heilligen Leichnam zu Prag Nün
in dem Anslag so verschiner zeytt Auf All Comenthurey
en in seiner verwaltung gehorig zu Ruesten vnd
trüsten beschen zu seiner porten Ein hundert zehen
gul(den) Vngrisch zuentrichten noch schuldig vnnd Anstendig
sey. Dammit Er Jne hewte Ansprechen vnd Ersuchen
lasse. Das Jr demnach weyl Eüch d(er) Comenthu
rey dis zeyt von der R(ömi)sch(en) k(öniglichen) M(ajestät) vnserm Allergnedigist(en)
herrn verlehenndt darob vnd daran sein wollt Auf das
Jme dem herrn von Strakonitz solher Ausstanndt von
gemelter Comenthurey bezalt vnd Richtig gemacht
werde Auf solh sein begeren Jst An Eüch mein lieben
herrn vnd freundt mein pitt Jr wollet Eüch hierJnn
Auf Ansuchen des herrn von Strakonitz diener furd
samb vnd guettwillig erzaigen vnnd Jme zu solhem
Rest den papir nach verhelffen Als Jr dann on
zweiffel zuthun on das genaigt seytt. Das hab
Jch Eüch Auf beger Gemellts herrn von Strakonitz
guetter Mainung nicht vnangezaigt lassen Muge
den Jch Jederzeyt Allzeit willig vnd berait pin Dat(um)
Prag im sloß Am xxiiij Februarij Anno d(omi)ni ccccxl