Wir Rathmanne der stad Bresslaw vonn Kuniglicher gewalt vonn Behemen haltende unnd vorwesende die haubtmannschaft zu Bresslaw Beken
nen unnd thun kund offentlich mit diesem brive fur ydermeniglich das fur unns gestannden ist der Wurdige Achtbar unnd hochgelarte Herr Petrus
Krakendorff beider rechtenn doctor unnd Thumherre zu Bresslaw mit dem Erbaren Mathisen Krakendorff sinem Bruder unnd hierzu gekornen
vormundenn wolgesund leibes unnd der Sinnen mit wolbedachtem mute unnd hat bekant unnd außgesagt das ime die Ersamenn Namhaftigen Herren
~unnd~ ~die~ Stadtkammerhern vonn wegenn gemainer stad die Sechshundert guldenn ungarisch im golde unnd rechtfertig vonn gewichte vor welche er
das gut unnd dorff Schimmelswitz am Neumargkischen weichbilde gelegenn vonn dem Wurdigenn Herren ~N~ Comptor unnd Conventer zum heiligen
Leichnam alhie zu Bresslaw im vorsatzung gehabt hat volliglich unnd zu gutem dancke bezalt unnd vorguldenn habenn Unnd sagte sie derselbenn
gantz ~&~ ~gar~ frey los unnd ledig Globende sie nach gemaine stad auch das obberurte gut unnd dorff Schimmelswitz derselbenn nit anzesprechenn
noch zubeleidigenn wieder geistlich weltlich im keine weise Dasselbige Bekentnis Entsagung unnd alles das do vorgeschribenn
stet habenn wir stete unnd gantz unnd bestetigenn das vonn Kuniglicher gewalt vonn Behemen der wir gebrauchgenn mit dem Kuniglichenn Jnsige
legel der Landleute des furstenthumbs zu Bresslaw das do ist zu Erben unnd zu fordern unnd ann diesenn gegennwortigenn brieff gehangen Geben zu
Bresslaw am funffzehendenn tage des monats Marcij Nach Christi unsers herren geburt funffzehenhundert unnd im dreissigstenn jare Darbey
seinn gewest die Edlenn Heinrich Czeislicz Hanns Seidlitz George Rymbab Hanns Sommerfeld Gressel genant Niclas Uthmann Ambrosius Teub
ner Mathias Lantschütz unnd Hanns Ungermund unnsere genedigenn Herren des Kunigs vonn Behemen mann Unnd doctor Fabianus Rindeler ~vonn~