+
Ego Woislaua relicta quonda(m) D(omi)ni Jensonis bonæ memoriæ de Coblyna,
notum facio singulis et vniuersis præsens scriptum inspecturis, quod
Religiosæ D(omi)næ, Catherina Priorissa et conuentus Sororum Monasterij
S. Catherinæ ordinis prædicatorum in olomuc requisiuerunt a me,
per quem modum villa Pripaum esset alienata a parochiali videlicet
ecclesia, videlicet Ecclesia in Vallan. Ad quod ego Woislaua tanqua(m)
Patrona, quæ propter Deum contuli et dedi ius præsentandi prædictis
Dominabus in Monasterio S. Catherinæ in Olomuc prædictæ Ecclesiæ
in Vallan, aduocando in testimoniu(m) honestos uiros D. Paulum Plebanum
in Trusnouicz et Magistrum Fridericum, Rectorem hospitalis ibidem
in Trusnouicz, et Fr(atr)em Budislaum de ordine Prædicatoru(m) meum
Confessorem, coram eis interrogata et iurata, confiteor & protestor,
quod prædicta villa Pripaum, titulo fundationis et dedicationis semper
spectabat ad Parochialem ecclesia(m) in Vallan, et quando prædictus D(omi)n(u)s
Jenso et Fr(ater) suus D(omi)n(u)s Hartlebus diuiserunt hæreditates patrimoniales
tunc villa Pripaum nomine hæreditatis cessit D(omi)no Hartlebo, et sub
prætextu huius alienauit ipsam villam Pripaum ab Ecclesia Parochiali
in Vallan, de facto et non de iure et adiunxit suæ Ecclesiæ in Cre=
nouicz contra uoluntatem prædicti Jensonis mei mariti et contra uolun=
tatem mea(m). In cuius protestationis et Confessionis meæ testimonium
præsenti scripto meum sigillum appendi, et rogaui prædictos honestos
uiros D. Paulum et D. Fridericum Plebanum Ecclesiæ in Trusnouicz
et Rectorem hospitalis ibidem, ut sua sigilla præsenti scripto
appenderent in testimoniu(m) quod beneuole fecerunt. Actum
et Datum in Trusnouicz Anno D(omi)ni 1305. Die S. Stanislai Mart. et Pont.