Ich Anna die kreinijn Vnd ich dorothea ir tochter vnd all vnser erben Wir veriehen vnd tun chund offenleich mit dem prief daz wir
Recht vnd Redleich vnd vnuerchouft mit ein and(er) verchauft habn Vnsern liebn frewnt hainreichn dem chnabn sein hawsfrawn vnd alln
irn Erbn All vnser Gut wie daz alles genant ist darin nichts auz gezogen das wir auf heutign tag her pracht vnd In gehabt habn Es sey
Erb oder varndgut Vnd auch pesunderleich vnsern weingartn der gelegn ist an dem Stamperg ze Maissaw des printler weingartn Vnd da von
mann jarleich dint dem Edln herrn h(er)n hainreichn von puchaim zu pergrecht ain virtail most vnd ain pertschelling Inden lesen
vnd nicht mer Vnd dint auch von dem obgenantn weingartn dem Gotshaws zu furstenfeld sand Iohannsen ordn an sand Bilips tag
Acht wienn(er) pfing(e) vnd nicht mer Wir habn In auch die obgnt(en) vnser hab vnd weingartn mit aller irer zugehorung als wir vnd vnser
vod(er)n In nucz vnd In gewer In gehabt vnd herpracht habn vnd die habn wir In also verchauft dem obgnt(en) hainreich dem chnabn sein
hawsfrawn vnd alln irn Erbn Vnd habnt vns darub gebn vir vnd zwainczigk pfunt Gut(er) wienn(er) pfing(e) der wir also zu Rechten
tailn kumn vnd gar von In gericht vnd pezalt sein Wir seczn sew auch der obgnt(en) vnser hab vnd weingartn nucz vnd gewer mit de(m) prief
als lehns vnd aigens p(er)recht Recht vnd gewonhait ist des lanndes ze Steyr Vnd ob daz wär daz ich obgnt(er) hainr(eich) der chnab an leib erbn
ab Gieng So sol fur sew So schull daz gut vmb hin gevalln wem da es Rechtleich hin gevalln schol Laitn wir des alles nicht welhen schadn
sew des furbas nämen hincz kogn hincz Iudn oder wie der schad genant wär den ir ains oder ir gesempet t(ue)n sein wenn mocht gesagn an
aid vnd an all ander weisung den scholn wir In Bärgleich ab zulegn vnd wid(er) zu kern Vnd schulln sew da habn auf alle de(m) vnd wir habn
es sey Erb oder varndgut Vnd schol sew da von Entsen vnd vn handgut vnd aller schädn der lanndes herr In Steyr oder sein gewalt wo
sew darauf weysent od(er) aingent Es sey Erb od(er) varndgut an chlag vnd an alln taiding Vndan alles Recht Vnd des zu vrkhund habn
wir In den prief versigeltn mit des Erbn v(n)d losen des Czehincz Vnd fridreichs des apiteker ir paider aign Anhangnden Insigeln
die ich obgnt(en) Anna die kreinijn Vnd ich dorothea ir tochter fleigleich darub gepetn habn In vnd alln irn Erbn an schadn darvnder
wir vns verpindn Alles das wär vnd stät ze habn daz obn an dem prief geschribn stet der Gebn nach cristi gepurd virzehnhundert Iar
Vnd dar nach Inden Newnzehnden Iar an sand dorothea tag