In gotis namen amen Wir Jan Bese knex zu krugendorff gesessen Bekenne offinlichen mit disem meinem briue vor mich mein weib lubin leinemen vnd kirchennachkomelinge das wir vns mit
dem hochwirdigen In gote vater vnnd herrn herrn Jodoco Byschofe zu breslaw vnnd des ordens der ritterschafft sandt Johannis Jherosolimitani des prioratus zu behemen anechten osterreich
Creyern kerndten steyrn vnnd galicy meister vnnd mit wissen willen vnnd rathe des Erwirdigen herrn vnndir hatman statthalter In der obgenant stiftin vnnd comptur des hawsis zum
heiligen leichnamb an breslaw vnnd der herrn comptur In der steyrn semptlichen vnnd gnediglich vertragin vnnd geeynet habin alß von des obgnan ordens guetir wegin nemlichin lossaw so
Antal vnnd buchanßin Im briegischen weichbilde gelegin die etwenne die hochgebornen furstin vnnd herr herrn Johannes vnnd heinrich herczoge In slesien zum brige mit vngleiche vnndir
Irer vnnd recht ane vorwillunge des genan ordens vnnd prioratus meister vnnd comptur auch dem hochgebornen furstin vnnd herr herrn bolco herczoge In slesien zu oppel vnnd weyssenfels
so vmb eine summa geldis vorsaczt vnnd dem orden an grossem schadin vff vnderlauff mit allin nuczin vnnd genissen kaufft vorschrebin vnnd eingegebin habin dorvber sy habin die obgnan
furstin zum brige soliche des ordens guetir mit iren zugehorungin mir an mich meine erbin vnnd kirchennachkomelinge von dem obgenanten herczoge bolken vmb eine sma geldis gepuczt abgelosid
welchs dann alß dem genan orden vngute vnd das sie in en Irschulde nachkomen mochten geloset vnnd bracht habe vnnd sie nach laute der obgenanten herczoghin furstin vnd dorvber der stadt Im
briege bekentnisse vorschreibungen vnnd briefe geantwurtet vnd echter besessin vnnd mergliche gebawet vnnd gebessirt Nu habe ich obgenanter Jahn mancherley bedacht meynis selis heilin darczu so
trachtet vnnd habe mit wolbedachtem muthe vnderwungen vor mich mein weib lubin vnnd kirchennachkomelinge vnnd sunde dem genan herr byschofe des prioratus obgenant meister vnd
seinem orden zugute vnnd gedey soliche guetir obgnan mit dem singelichen vnnd dorvber der stadt zum brige briefe vnnd vorschreibunge mit allin vnnd Iclichin nuczin vnnd zugehorungin grab vnd
kleine nichts vßgenomen wie her sie gehalden vnnd wir zu dem orden gehort han los frey vnnd an allis gelt habe abegetretin vnnd In crafft disis briefis abetrete Nu hat der gnan her byschoff
vnnd meister des prioratus obgenant meine gutwillikeit vnnd liebe so ich In seinem orden trage danebin meine dienste dy ich dem orden vnnd seinen gnadin gethan habe vnnd thun wil darin dy luste
seinige vnnd bestunge der guetir obgenant mit fleissigem bittin vnnd andern gebawden angesehin vnnd hat mit singelichin willen vnnd mit vorgehaltem rathe der obgenanten seines
ordens brudern der ebtin in der stiftin semptlichen rechtin vnnd nyssen soliche obgnante seines ordens guetir lossaw tasintal buchanßin vnnd auch dorin bestetunge das ich vnschuld nichts
in vnschuldunge gehalden habe alleine zu meinen lebetagin vberlassin geerbt vnnd gegebin so alß mit allin zubehorungin fruchtin zinsin rentin genissen dinsthafftigen guetin mit eynigen
dinstin eckertin mit allin rechtin hirschafften gerichtin vnnd allin andrin genissen vnnd zugehorungin nichts vßgenomen clein adir groß wie man das mit sundirlichen namen adir wortin
benennen mag zuhalden genissen gebrauchen vnnd an meinen lebetagin alleine zubefuerin Nach meinem tode adir so sellen soliche des ordens guetir lossaw tasintal buchanßin vnd
mit lossenaw an den genan herrn byschoff adir seine nochkomende des prioratus eynkelt meister vnnd den orden semptlichen ane alle hindernisse meins weibs lubin kirchennach nochko
men vnnd sunde geistliche adir wertliche frey ledig mit allin gebawden dy ich yczund besser gethan habin vnnd zukunfftiglich vff den gnanten guetin furwertz vnnd sithin zu lossaw tun werde
mit allem hawsgerete vnnd gestute pferde kue schofe sweyne rinder keller vnnd grab vnnd klein vihe nichts vßgenomen mit allem getreide vnnd allis was do ist ane alle geldis bezalunge vnd
abelosunge das ich darumb gegebin vnnd außgeczalt habe komen sellen vnnd dem gelt meinem weibe erbin leinemen vnnd kirchennachkomelingen nach meinem tode darumb gebin noch
bezalen sellen nach dissem stadt vnschedlich der vorschreibunge die mir dy obingeschrebin herczoghin furstin vff den gnanten des ordens guetin alß sie dy gehalden vnnd gehabin habin
freilichin vnnd ewiglichin mit meinen erbin leinemen vnnd kirchennachkomelingen gegebin habin sundir dy teiche dy ich vff den gnanten des ordens guetin alß hernachgeschrebin
stehit gebawet habe nemlich der teich vnder dem lossischin walde vff der lossinvelde der alde teich vff der tasintalir felde sundir der teich vff der tasintalir felde vnder der buchanßin
teiche der teich vor lossenaw der brackeneteich vff der buchanßir felde der kesteich der do leit vff tasintalir vnnd buchanßir felde der symmichte teich der teich vff dem plawkin
vnnd der teich vff der gesehin dy sal gein alle vnnd icliche auch zu meinen lebetagin gebrauchen halden besuczin vnnd genissen Nach meinem tode adir so sullen alleine diese hernach
geschriebene funff teiche alß der teich vnder dem lossischin walde vff der lossinvelde der alde teich vff der tasintalir felde der teich auch vff der tasintalir felde vnder der buchanßir
teich der teich vor lossenaw vnnd der brackeneteich vff der buchanßir felde wie sie In meiner kranckheit funden werdin gesemeth vnabegelassin vnd vnabgefischit an den gnan
herrn byschoff des prioratus obingnant meister vnnd seinen nochkomenden vnnd dem orden komen vnd an allis eynig felle meynis weibis lubin leinemen kirchennachkomend
vnnd sunde vnnd auch an allis geldis bezalunge vnnd abelosunge gefallin vnd vorchund nach meynem tode frey los vnd ledig leibin sellen sundir den andrin freyen teichin auch
obinbenant gancz vnschedlich die noch meynem tode an meyne erbin leinemen vnnd kirchennachkomend erblich vnnd ewiglich ane allirley hindernisse des gnanten herr byschoff
des prioratus obinbenant meister seinir nochkomend vnnd des ordens semptlichen vnnd sunder komen vnnd fallen sellin doricht Inkunfft vnnd zulassin ane allirley vnschulde des
zu steter stetikeit vrkunde vnnd furhaldunge habe Ich mein Ingesigel an dissin meynen brieff vnnd bekenße lassin hengen vor mich meine geerbin vnnd kirchennachkomend der
gegebin ist zu neysse am sontage vor purificacionis Marie Nach cristi geburt virczenhundert dornach In dem eynvnddreissigstin Jare dobei seint gewest dy wolachtigen Nitschin kien
Nickel stert marschalk zu walawff gesessen meister martins syndicus petrus decanus kanczeler vnnd nicolaus molitoris thumherre der kirchen In oppel disir sachin glawbwirdige
gezewge