In gotis namen amen wir Jodocus von derselbigen gotis gnaden byschoff zu breslaw vnd des ordens der Rytterschafft sandt Johanni Jherosolimitan des priorati zu bohemen mehren schlesien steyerm
karynthen Jlesien vnd polan ic meister mit wissen willen vnd rathe des andechtigen vnsers ordens bruders nicolai nyhman stathelder in der obgnan Jlesien ic vnd compior des hauses zcu stral
gen leichnam zu breslaw vnd der closter compior in der Jlesie bekennen uffinbarlich allen vnd iglichen mit disem vnserm brieffe allen den die en sehin horen adir lesin das wir vns mit
dem gestrengen namhafftigen hern John wiese vff bettendorff gesessin fruntlichen vnd gutlichin getragen vnd geeynet haben also von des obgnan vnsers ordens gueter wegin nemlichen
lossaw losmial vnd buckawsen gelegin Im briegischen weichbilde gelegin die etwan die hochgebornne furstin vnnd hern Johannes vnnd heinrich herzoge In Jlesien zcu briege ic mit vngleiche
widder got vnnd recht ane willkunge vnsers vorfarn vnnd des ordens prioratus meister vnnd compior ouch dem hochgebornnen fursten hern bolke herzoge In Jlesien zu opuln obirstigho
gow ic vmb eyne summa geldis versatzt vnnd dem orden zu grosim schadin uff widderkauff mit allen nuczen vnnd genyssen verkaufft vorschrebin vnnd hingegeben haben dornach so habin
die obgnan fursten von briege soliche obgemelte vnsers ordens gueter mit eren zugehorungen den ußgedochten hern John vor sich seine erbin vnnd eliche nochkomelinge von dem gedochtin
herzoge bolke vmb eyne summa geldis gegonst abezulosin der denne also dieselbin gueter vnserm gnan orden zu guete vnnd das sie an en distechir widder komen mochtin an sich gelost
vnnd brocht hat vnnd sie nach lawte der obgnan briegischin furstin vnnd brudern der stat zcu briege bekentnisse vorschreibunge vnnd brieffe gebuwet vnnd bisher besessin vnnd moglichin
gebessirt vnnd gebawet hat Nu hat der obgnan her John angesehin seiner seleseligkeit vnnd hat vns vnserm orden zu guete vnnd gedey vor sich sein weib erbin eliche nochkomeling vnnd frunde
soliche guete obgnant mit dem furstlichin briefe dobebin ouch der stat zcu briege brieffe vnnd vorschreibunge mit allen vnnd iglichin nuczen vnnd zugehorunge geist vnnd cleyne nichte
awßgenomen wie er sie gehalden vnnd vor zu vnserm orden gehort habin lose frey vnnd an allis gelt abegetrettin hat habin wir soliche seine liebe die er zu vnserm orden treget done
bin seine dienste die er vns vnserm orden gethan hat vnnd noch thun mag drczu die besserunge vnnd bawunge der guete obgnat mit freyheytin teichin vnnd andern gebawden ange
sehin vnnd habin dir von furstlicher mildikeit vnnd mit wolvorgedachtem muthe der obgnan vnsers ordens bruder der closter in der Jlesien compior willen vnnd wissen soliche obgnan
vnsers ordens guete lossaw losmial vnnd buckawsen vnnd ouch drczu das gut lichtenaw das er vor nicht furgeschribunge gehalden hat alleine zu seinen lebetagin uffgelassin georntt vnd
gegebin die also mit allen Inwonern fruchtin czinssen rentin genyssen amptschafftigin gerichte mit leinigen diensten schatin mit allen hirschafftin rechtin geruchtin vnnd allen andern ge
nyssen vnnd zugehorunge nichte awßgenomen cleyn adir grose wie man die mit sundirlichin name adir wortin benenne mochte zuhalden genyssen gebrauchin vnnd zu seinen lebetagin allene
zubesitzin Noch seinem tode adir fullen soliche obgnan vnsers ordens gueter lossaw losmial buckawsen vnnd ouch lichtenaw an vns vnsere nochkomend vnnd vnsern orden uffgnant
ganczlichin an alle hindernisse seines weibes erbin lehnmen nochkome vnnd frunde geistlich adir werltlich frey lose ledig mit allen gebawden die er itzund bisher gethan hat vnnd zukunff
tiglichin vff die gnan gueter selbirg vnnd vff lossaw thun wirt mit allem hawsrathe vnnd geschirre pferden rinder schioffin sweynen kelbirn vnnd grose vnnd cleyn viehe nicht awß
genomen mit allem getreyde vnnd allis was doselbst ist an allis geldis bezalunge vnnd abelosunge das er drumb gegebin vnnd awßgezalt hat komen sullen vnnd keyn gelt seinem weibe
erbin lehnmen vnnd nochkomelinge vnnd frunden noch seinem tode drumb gebin noch bezalen dorffin noch sullen sonder vnschedelichin der obgnan gerichte uff den gnan vnsers ordens guet
die die obinbeschrebin briegischin furstin gehalden vnnd gehabt habin die sie erblich vnd ewiglichin hern John seinen erbin lehnmen vnnd elichin nochkomen In solicher weise als sie dieselbin
gehalden habin gegebin vnnd vorlegin habin drczu die teiche die der gnan her John uff den gnan vnserm guetin offtemelt also hiernochgeschribin steehin gebawet hat Nemlich der teich vnder
dem loschischin walde vff der losse felt der alde teich uff der losmialer feldt ouch der teich uff der losmialer feldt vnder des schultissen teich der teich vor lichtenaw den brucken teich
uff der buckawser feldt Item der brose teich der do leit uff der losmialer vnnd buckawser feldt der krumme teich der teich uff den planetin vnnd der teich die teichin die sal er
alle vnnd igliche ouch zu seinen lebetagin alleine gebrauchin halden genyssen vnnd besitzin Nach seinem tode adir so sullen alleine diese hiernochgeschribene teiche funff also der teich
vnder dem loschischin walde vff der losse feldt der alde teich uff der losmialer der teich ouch uff der losmialer feld vnder des schultissen teich der teich vor lichtenaw vnnd
der brucken teich uff der buckawser feldt wie sie In seiner bawgkeit begriffin funden werdin georntt vnabgelossin vnnd vnabgeschetzet an vns vnsere nochkomen vnnd den orden kome
ane alle enspelle seines weibes erbin lehnmen vnnd eliche nochkomen vnnd an allis geldis bezalunge vnnd abelosunge gefallin vnnd von stund nach frey lose vnnd ledig komen
sullin sonder den andern vier teichin ouch obingemelt gancz vnschedelich die noch tode hern Johns an seine erbin lehnme vnnd eliche nochkomelinge erblich vnnd ewiglich ane allirleie
hindernisse vnsers vnsere nochkomend vnnd vnsers ordens compior komen vnnd gefallin do mete zuthun vnnd zulassin ane allirley anspruche zu meher stetigkeit vnnd vethalomige
habin wir Jodocus byschoff meister des priorati obgnant vnsere grose byschoffliche vnnd der bailie In der Jlesie vnsers ordens segele an diesin brieff mit gutin wissen vnnd wille
heyschen zuhengin der gegebin ist zur neisse am montage vor vnser lieben frawen tag purificacion marie noch christigeburt vierzehnhundert dornach In dem eynvnddreissigstim Jaren do bey
seynt gewest die wirdigen Namhafftigen hern meister harttunc lindenor archidiaconus In opul hannos nickel obirst marschalk In waltdorff gesessin vnnd nicolaus choterus thumher
zu opul schriber vnser getrewin liebin dieser sachen glawbwirdige geczewge