und zugehorungen, groß und clein, nichts außgenomen, was
ich hie gehalden und vor zu dem Orden gehort hat, laß frey
und an alles gelt habe abgetreten, und in krafft deß brieffs
dem hat der gnante Her Biskopff und meyster des prioraty ob=
genant, meyne gutwillikeit, und liebe, dze ich zu sym Orden
trage, domite meyne dynste, dze ich dem orden und sym gna=
den gethan habe, und thun wil, dazu dze besserunge und
bawunge, der gutter obengenant, mit furwargin Zinsin
und andern gebewden angesehen, und hat von furstlicher
willikeit, und mit vorgehabtem Rade, der obgenanten syms
ordens brudern, der Eltisten In der Oestlichen Comptorn wil=
len und wissen, soliche obgenante syms Ordens gutter, lossaw
Rosental, Buchhausen, und ouch dazu lichtenaw, das ich
formols nicht yn vorschreibunge gehaben habe, allzint
zu meyns lebentagen uffgelassen, geleynt und gegeben
dze also mit allen zcubenorn, fruchtin, Zinsin, Renten, ge
nissen, Eigenschafftigen guttern, mit Einingen, dinsten
arbeitin, mit allen rechten Eigenschafften, genissen, gerichte
und allen andern genissen, und zugehorungen, nichts auß=
genomen wege ader straß, wye man das mit sunderlichem
nahmen ader worten benennen magk, zuhalden, genissen
gebruchen, und zu meynen lebentagen allzint zube=
sitzen, Nach meyns tode aber, so solige des ordens gutter los=
saw Rosental Buchhausen und ouch lichtenaw, an den
gnanten Hern Byskopff, ader syme nochkomende, des prio=
raty obgemelt meyster, und den orden gewiglichen ane
alle hindernisse, meyns wibs Erben, Erbnemen nochkom=
und frunde, geistlichs ader wertlichs frey loß ledig, mit
allen gebewden, dze ich dzynde byßhere gethan haben und
zu kunfftig, uff den gnanten guttern furwarge und feste
zu lossaw thun werde, mit allem husgerete, und geschire
pferde, ku, schaffe, Schweyne, Rinder, kelber, und groß und
clein nichts außgenomen, mit allem getride, und alles was
do, ane alles geldis bezalunge und abelosunge, dze ich do=
rumb gegeben und uffgehabt habe, komen sollen, und keyn
gelt meyn weybe Erben und Erbnemen, und Ehlichen
nochkomlingen, noch meyns tode, dorumb geben noch be=

zalen sollen noch dorffen, Jedoch unschedlich, der obirsten
gerichte, dze mir, der obingeschriben Byschoffen fursten, uff
den gnanten des Ordens guttern, also hie dze gehalden und
gehubet haben, Erblichen und ewiglichen, myr meynen Erben
Erbnemen und ehlichen Nochkomlingen gegeben haben, Bunder
der Teyche, dze ich uff den gnanten des ordens guttern
also hirnoch geschriben stehet, gebawet habe, Nemlichin der
teych under dem lossischen walde, uff der losser felt, der alde
teych uff der Rosentaler felde, auch der teych uff der Ro=
sentaler felde, under der Oestelischen teyche, der teych vor lich=
tenaw, der brockenteych, uff der Buchhauser felde, der teych
grosse teych, der do ligt uff Rosentaler und Buchhauser felt,
der Eigennent teych, der teych uff dem plantin, und der
teych uff der Jestere, dze sol ich alle und igliche ouch, zu mey=
nen lebentagen, gebruchen, halden, besetzen und genissen
Nach meyns tode aber, so sollen allzint dyse hirnoch geschribe=
ne funff teyche, also der teych under dem lossischen walde
uff der losser felt, der alde teych, uff der Rosentaler felde
der teych ouch uff der Rosentaler felde, under der Oestelischen
teyche, der teych fur lichtenaw, und der brockenteych, uff der
Buchhauser felde, wye sie In meynen lebentagen funden
werden, gefischt ader ungesischt, und unabegefischt, an
den gnanten Hern Byskopff, des prioraty obengenant
meyster, und symen Nochkommenden, und den Orden kom=
men, und ane alles eyngestelle, meyns wibs Erbe Erbneme
ehlichen nochkommenden, und frunde, und ouch ane alles gelds
bezalunge und abelosunge gefallen, und von stunde noch mey=
nem tode, frey loß und ledig kommen sollen, Jedoch den andern
ferteichen, ouch oben benent, gantz unschedlich, dze noch meyns
tode, an meyns Erben Erbnemen, und ehliche Nochkomende
Erblich und ewiglich, ane alles hindernisse, des gnanten Hern
Byskopffs, des prioraty obinbenent meyster, syme nochkomende
und des Ordens Compturn und bruder komen und fallen sollen
domit zuthun und zulossen, ane allerley ansprache, dze zu
mehre sicherheit, urkunde und standhaldunge, habe ich meyn
Jngesigel an dysen meynen brieff und Revers lassen hengen,
fur mich, meyne weybe, und ehliche nochkomeling, der gege=
ben yst zu Taczaw am Montage der purificacionis Marie
Nach Christi geburt, firtzehenhundert, dornoch In dem und
sechtzigsten Jare, do by seynt gewest, dze wolbuchtigen wyse
Hern, Nickel Streit Marggrafe zu waldenfels gesessen
~...~