Bonifatius ep(iscopu)s seruus seruor(um) dei Venerabili fratri .. Archiep(iscop)o Pragen(si) Sal(u)t(em) et ap(osto)licam ben(edictionem). Sincere deuotionis affectus quem
dilecti filij .. Preceptor et fratres domus hospitalis sancti Iohannis Ierosolimitan(i) in Strakonycz Pragen(sis) dioc(esis) ad nos et Roman(am) gerunt eccl(esi)am promeretur ut
uotis eor(um) illis presertim per que utilitas dicte domus procuratur fauorabiliter annuamus. Exhibita siquidem nobis nuper pro parte dictor(um) Preceptoris et fratru(m)
petitio continebat q(uo)d fructus redditus et prouentus eiusdem domus in qua quaplures fratres dicti hospitalis diuinis officijs insistentes hospitalitatem tenentes
et infirmis inibi degentibus ministrantes existunt pro congrua sustentatione fratrum et receptione infirmor(um) predictorum non sufficiunt ip(s)iq(ue) fratres propter inopiam
penuriam disp(er)gi ac in eadem domo diuinum cultum et hospitalitatem huiusmodi deficere uerisimiliter formidatur. Quare pro parte dictor(um) Preceptoris et
fratrum nobis fuit humiliter supplicatum ut parrochialem eccl(esi)am in Prerzin dicte dioc(esis) prefate domui unire annectere et incorporare de benignitate ap(osto)lica
dignaremur. Nos igitur huiusmodi supplicationibus inclinati fraternitati tue de qua in hijs et alijs sp(eci)alem in domino fiduciam obtinemus per ap(osto)lica scripta
committimus et mandamus quatinus si est ita dictam eccl(esi)am que ut asseritur de iure patronatus ip(s)or(um) Preceptoris et fratrum existit cuiusq(ue) dicte domus
cuius Quadraginta Marchar(um) argenti puri fructus redditus et prouentus secundum communem extimationem ualorem annuum ut asseritur non excedunt cum
omnibus iuribus et pertinentijs suis auctoritate n(ost)ra imperpetuum unias incorpores et annectas Ita q(uo)d cedente uel decedente Rectore dicte eccl(esi)e qui nunc est
uel eccl(esi)am ip(s)am alias quomodolibet dimittente liceat prefatis Preceptori et fratribus corporalem possessionem eiusdem eccl(esi)e ac iurium et pertinentiar(um) ipsius
auctoritate propria per se uel alium seu alios libere apprehendere et extunc perpetuo retinere alicuius licentia super hoc minime requisita. Reseruata tamen
prius et assignata per te de ipsius eccl(esi)e prouentibus pro perpetuo uicario inibi domino perpetuo seruituro congrua portione ex qua idem uicarius congrue
sustentari ualeat ep(iscop)alia iura soluere et alia incumbentia sibi onera supportare. Non obstantibus si aliqui super prouisionibus sibi faciendis de huiusmodi
eccl(esi)is uel alijs beneficijs eccl(esi)asticis in illis partibus sp(eci)ales uel generales ap(osto)lice sedis uel Legator(um) eius litteras impetrarint etiam si per eas ad inhibitionem
reseruationem et decretum uel alias quomodolibet sit processum quasquidem litteras et processus habitos per easdem ad prefatam eccl(esi)am uolumus non extendi
sed nullum per hoc eis quo ad assecutionem eccl(esi)ar(um) et beneficior(um) alior(um) preiudicium generari. et quibuslibet priuilegijs indulgentijs et litteris ap(osto)licis gene
ralibus uel sp(eci)alibus quor(um)cumq(ue) tenor(um) existant per que presentibus non expressa uel totaliter non inserta effectus ear(um) impediri ualeat quomodolibet uel
differri et de quibus quor(um)q(ue) totis tenoribus habenda sit in n(ost)ris litteris mentio sp(eci)alis. Nos enim irritum decernimus et inane si secus super hijs a quoquam
quauis auctoritate scienter uel ignoranter contigerit attemptari. Dat(um) Rome apud Sanctumpetrum iij Id(us) Aprilis Pontificatus n(ost)ri Anno Secundo;
S(an)c(t)a E(cclesia)
Io. de arulesijs