Ich der Vormanne zcur Briegk Bekennen Offindlichen mit dissem vnserm briue vor
Idermenniglichen das vns vorbracht vnnde gessen haben eynen furstlichen wolbesiegeln
brieff in perment geschrieben mit eynem des Irlauchten hochgebornnen fursten vnnde
herrn hern Semouiti hertzogen zcu Glogaw zcu Tessen vnnde des Ordens des heiligen
Johannis vonn Jherusalem der Ritterschafft In Behemen poln & Maister vnnde Bruder
anhanginden Ingesigel vorfigelt welcher ist eines wortsawslawthalsin lawtes zcu worte
Wir Semouitus vonn Gotsgnaden hertzoge zcu Tessen vnnde Maister Sancti Johannis
Orden vonn Jherusalem In Behemen polen Meheren Osterreich & Bekennen offindlich In
dissem briue allen den die ehn sehn ader horin lesin das vor vnns komen ist vnnser lieber getruwer
Nicles vnsers Ordens scholtis vonn Rosintal das angehoret vnnser hawse kcu Lictenaw vnnde
vor vnns brochte guete furstliche briue vnnde briue altessen vnnde die briue vnnde altessen sagitin
vnnde becanten wie eyn Iclicher Scholtis zcu Rosintal der itzundt ist adir zcukunfftig werden mochte
vor vil alden Jaren vnnde geczeiten frey vnnde ledig vnnde ane allen dinst gesessen hat vnnde nicht
meher schuldig ist gewist zcuthuen nach zudinen vnnserem Orden vnnde dem hawse zcu Lictenaw
wenue eynem Comptor seine Czinß zcuberweisen vff wenne die Czinse fallen als seine briue be=
sagin dorinne mit rate vnnser beldisenn Comptorn die vnns das geraten vnnde gebeten habin So
habin wir dem vorgnantin Niclesen scholtissen zcu Rosintal vnnde allen seinen nachn Nachkom=
linge die gnade In vnnsern namen vnnde In allir vnnsern Nachkomlinge namen vnnde entpinden
In vnnde die seinen vonn allin dinste vnns vnnde vnnserem Orden zcutuen ewiglichen vnnde nicht
meher schuldig ist zcutuen wenne eynem Comptor zcu Lictenaw seine Czinß zcuberweisen
vff wenne die Czinse fallen vnnde sein habe vnnde eyn Ckreczschem vnnde eyne brotbanck
vnnde eyne fleischbanck frey vnnde ledig sal habin vonn allem dinste ewiglichn alse her is
vonn alders gehabtt hat des zcu eynem bekentniß vnnde zcu einer bistetunge So haben wir Seme=
nitus Maister Sancti Johannis Orden vnnsern priuat Ingesigel angehangin mit vnnsern guetin
gewissen vnnde ist gescheen vnnde Gegebin nach Gotsgeburt virczenhundert Jar vnnde dornach
In dem funff vnnde Czwenczigistenn Jare an vnnser liebin frawen Lichteweihetage Zcu vrkunde
habin wir obingeschriebner Vormann vnnser Stat Sigel vff dissen brieff druckin lassen &
Gegebin am Sonnabinde vor dem Sontage Judica Anno domini Mo ccccxo Nonagesimo tercio