nichts außgesondert, Inn aller masse, vnnd
meinung, Als oben geschrieben stehet, geliehen
vnd gelanget, Lehen vnnd langen gemachsam,
vnd vngehindert, zuhaben zugeniessen zuge=
brauchen, Vnd nach laut Rom(ischer) Kaise(rlicher) brieffe
darüber volzogen, zubesitzen, vnsers herrn
Königes freier lehungs Lehen vnnd rechten
vnschedlichen, Mit vrkundt diß
brieffes versigelt, mit obgenandten, vnsers
herrn Königes Anhangenden Insigel, das
wir von seinet wegen, Als ein haubtman,
In obbemelten fürstentumben, vber lehn
vnd sachen gebrauchen, Beschehen
offm Burglehn zum Jauer, vnnd Gegeben
zur Schweidnitz, Nach Christi geburth
1532. Jare, Am Montage vor Mar=
garethe, Dabei sindt gewest die
Ehrnueste Namhaffte, George vonn
Zebing auffm Rorstock, Sebaldt Seidlitz
Burggraffe zur Strigau, Nickel Schwein=
nicher von hohekoseritz, Vnnd der Ge=
strenger herr Anthonius Schöff Gotsch genant,
Vom Röm(ischen) Kön(iglichen) Cantzler zur Schweidnitz der diesen
brieff gehabt hott in befehlunge,