In nomine domini amen. Nos Michael dictus Judex Benessius Judicis arigivinum. Wenceslaus Eblinus knoblauchii. Johannes
parviphal aquarius. Bohunco Lodovici firdlinus aurifaber. Hanco Bernhardi Hanco Carnifex Marso Sartor Nicolaus cella(ri)
Jesco pistor. Cives Jurati Nove civitatis sub castro pragen(si) tenore presencium recognoscimus universis tam presentibus quam fu
turis presencium noticiam habituris publice protestantes. Quod discreti homines Cunczmannus Barbatoris et Margaretha
eius uxor sanna eorumdem coram nobis inter quatuor scampna judiciaria dum judicio presideremus contestato ubi
quelibet gesta hominum plenam sorciuntur roboris firmitatem personaliter constituti Super domo ipsorum et eius area perti
nenciis universis sita inter insulas in eadem civitate penes domunculam olim lapidee assumpte eundo versus pontem
pragen(sem) contra domum knoblauchii in eadem civitate quam a religiosis viris et fratribus Petro Commendatore
Nicolao priore Petro pietanciario totoque conventu fratrum Cruciferorum domus beate Marie virginis in pede pontis prag(ensis)
ordinis sancti Johannis Baptiste hospitalis Jherosolimitani sub iusto empcionis titulo emerunt et comparaverunt prout in littera desuper data
plenius continetur unam sexagenam sexaginta grossos denariorum pragen(sium) pro ea computando census annui perpetui et liberi
seu pro ipsis Cunczmannum et Margaretham suosque heredes ac successores seu ipsius domus et eius aree possessores quoslibet
ab omnibus collectis exaccionis losungis contribucionibus vigiliis et ab aliis quibuslibet juribus statutis et angariis in eadem civitate
singulis operibus diurnis et nocturnis eximendi rite ac racionabiliter pro decem sexagenis dictorum grossorum pragen(sium) denariorum ipsis ibidem
coram nobis integraliter persolutis pro habendum ac successorum suorum nomine vendiderunt et venditam tradiderunt ipsis religiosis
viris et fratribus cruciferis supradictis pro eorum pietancia dum occurrerit celebranda ad habendum tenendum possidendum
dandum et jure hereditario perpetuo quolibet possidendum eundem censum pro ipsis fratribus et eorum in hac parte successoribus pacifice
et quiete Ipsius vero census predicte scilicet triginta grossi in sancti Georgii et alia medietas deputati scilicet triginta
grossi dictorum grossorum pragen(sium) denariorum vel forsan sponte moneta inmutata tamen pagamenti tunc temporis currentis et accepti
cui equivalenti valore in sancti Galli festis singulis exnunc sub annis quibuslibet inantea occurentibus in omnem eventum
de ipsa domo et area et ad domum pertinentibus perpetuo solvi debet In quocumque autem dictorum festorum festo et infra octavam
eiusdem genuinum censum in hac parte debitum non persolvet. Extunc super huiusmodi censum non solutum excrescent
Quatuor grossi nomine pene statim Et consimilis pena consequentur aliis singulis octavis super ipsum censum
accrescet donec cum pena vel penis desuper accretis integraliter persolvat. Pro quibus tunc huiusmodi censu et penis
non solutis prefati fratres qui nunc sunt aut pro tempore fuerint poterunt dum eis hoc placuerit per actum suum aut judicem
civitatis pro tunc constitutum nuncium vel nuncios seu de quocumque hominum adiutorio voluerint pro eorum beneplacito eosdem Cuncz
mannum et Margaretham ipsorumque heredes ac successores seu prefate domus et aree possessores ac inhabitatores quoslibet
in ipsis domo et area et ad domum pertinentibus tamquam in bonis suis propriis licite pignorare in eorum manibus suum
nuncium et opprimere et quousque ipsis de huiusmodi censu et penis desuper accretis ac dampnis omnibus quibuscumque et
qualitercumque exinde perceptis satisfactum fuerit integraliter et ad plenum Si vero pro dimidio anni decursum genuinum
huiusmodi pignora in eadem domo et area et ad domum pertinentibus inveniri non possent vel sint extunc statim ipsa
domus et eius area cum omnibus suis juribus et pertinenciis universis ad prefatos fratres seu eorum monasterium supradictum
devolventur contradiccione aliqua non obstante possidenda jure hereditario perpetuo In cuius rei testimonium
et robur perpetuo valiturum Sigillum maius nostre civitatis supradicte presentibus est appensum. Datum prage
Anno domini Millesimo Trecentesimo Sexagesimosexto In crastino sancti Andree apostoli inclitissimi.