In gothis namen Amen Wir hanns heberlini hanns Ruprehtz sun hanns libenstil N(icolaus) fuge vnd Nycl(aus) Ansthelm Rathman der stadt
Boltbergk Wir thuen orkundt vnd vormelden beide den dy itzunt kegenwertig seyn mit alle yren nochkomeligen vor das wir
außwolbedachtem mute vnsers rathis vnd mit volwortig volkomener gunst vnd wille al vnser elsten scheppen Rathmanne
aller gewercke hantwargmeister vnd der gantzen gemeyne vnser stad Boltberg Auß noth vnd vmb nutz wille vnser obgnan(ten) stadt
dem Venedigen herrn dem Compter eyniß mit seynen brudern des hauß stad Boltbergk Creutziger ordens des heiligen Iohans von
Ierusalem Recht vnd redlich an allen kyntrug irex puraa vorkofft haben ij m(a)r(c)k Ierlichs vnd ewiges zinß vff vnser stad Renthen
vnd fischwede vnd vff allen vnsern zinß pflichtigen dy itzunt zcu vnser stad gehoren vnd von aldirß dorzcu gehort haben desen
zinß habe wir vorkofft vor xx marg pragsch(er) groschen polnisch(er) zcal obirzelt vnd vffgezaltis geldis Welchs wir deme yn vnser
stadt nutz vnd fromen gewant habn Welcher ij m(a)r(c)k ewiges zinßes der obgnan(te) Compter mit seynen Brudern al Iar Ierlich zcu
yrex puratia vnd fittunge vff den tag des heilign martim volkomlich vnbirhindert von aller bethe von aller schatzunge
von allen gedrechnissen von allen anstlegen dinsten vnd pflichtungen wy man dy irdenken ader benennen magk vnd an alle
beswerunge hinder gantz frey entphoen vnd heben sal Ouch also das sy den selbigen zinß vorwter gantz frey mogen vorweckseln
vorkoffen ader vorsetzen an alle vorhinderniß der hern ader fursten desen zinß sal der vorgnan(te) Compter mit seynen
Brudern fordern vff deser p(er)son vnd vff al eren nochkomeligen Als vff hans herlein Conzud Oulshomi zchn j firdung vff werner
Hercken vnd vff th(o)mas Herkeß geriben j loth vnd j firdung vnd eynen d(enarius) firdung vff hene winckeler(n) eyn j firdung vff der
petzolden v s(chilling) p(ro)t(e) vff Iacob Seyffart eyne d(enarius) m(a)r(c)k vff theophilo heulenbr(echt) j s(chilling) p(ro)t(e) Gulden zinß sal der Compter mit
seynen Brudern nicht manen noch fordern mit geistlichem rachte als durch den Babst hinder mit sulcher ordenunge vnd
weyß alß yn vnser stad biß allh(er) her gefordert vnd besessen hat als durch dy pfandunge Vnd ap dy obgnan(ten) besitzer ader
erbemen auß ehen ader irex nochkomeligen den hern Compter mit seynen Brudern sulchen zinß vff dy gnan(ten) zceit nicht
gebn So sal der Burgamester eyniß mit den Rathleuten dy zcu der zceit seyn werden mit den bothen vnd dienern der stad
dy obgnan(ten) besitzer ader yr nochkomeligen der gemeyne ader yn sunderheit vor sulch(en) vorsessen zinß genugsain
pfenden vnd sal diß pfant den hern Compter ader seynen Brudern obirantworten solchs pfant sy weyter mogen an alle
hinderniß vnd eynsprache vorkoffen vnd vorsetzen diß zcu orkundt vnd ewiger bestattuge habe wir vnser stad Groste sigil
angehangen Gege zcum Boltberge vffm Rathauße Nach christi gbort Tausent dreihundert jm drey vnd sechczigsten
Iare Eudo nonas marcij