Frater Baptista de Vrsinis Dei gratia Sacre Domus Hosp(ita)lis Sancti Jo(ann)is Hiero(solimitani)
Magister humilis ac pauperum Jesu Christi Custos. Et nos Conuentus Domus
eiusdem. Ven(erabi)li Religioso in Christo nobis p(re)charissimo fratri Joanni de
Suuamberg Prioratus nostri Bohemie Militi, Salutem in Domino sempi:
ternam. Cum acceperimus relationibus certissimis Prioratum p(re)fatum
nunc non mediocribus molestijs oppressum, quibus subuenire uera cura
diligenti potestis, ea propter uolentes honori et commodo religionis nostre
consulere, et presertim ipsius Prioratus, eundem Prioratum per obitum
quondam Roberti de Rossemberg eiusdem Prioratus ultimi legitimi Prioris et
possessoris, siue hoc, siue alio quouis modo uacantem presentialiter, et ad
nostram collationem, donationem et ordinationem propterea rationabiliter
et legitimè deuolutum, cum suis quatuor Cameris, et preceptoriis sibi
assignatis, ac eorum Juribus, pertinentijs, et membris uniuersis habendu(m)
tenendum, regend(um), gubernandum, et meliorandum in spiritualibus, et
temporalibus, tam in capite, quam in membris, uobis tanquam digno
et benemerenti: Invicem maturo, et deliberato Consilio de nostra certa
scientia ad annos decem continuos, et completos conferimus, concedimus,
et donamus benefaciendo in eodem, sub annua responsione centum du:
catorum auri Venetorum pure, et nitidè ad expensa(m), et risico uestro in
Venetijs nostris procuratoribus, aut cui commiserint, anno quolibet in
festo Sancti Joannis de Mense Junij infallibiliter exoluendorum, Cuius
responsionis prima solutio incipere debet in festo S(anct)i Jo(ann)is proxime
futuro anni 1469, et sic de anno in annum continuando. Vosque Prio:
rem in dicto constituimus Prioratu harum serie, ac etiam ordinamus.
Retento tamen dicto n(ost)ro p(re)libato Jure, et sibi specialiter reseruato, quod
de una, uel pluribus, prout per mortem Preceptorum euenire contigerit
uacante, uel uacaturis, Baiulia, uel Baiulijs in d(ict)o Prioratu possit anno
quolibet prouidere secundum continentiam statuti, ac etiam retentis,
et reseruatis nostro dicto Magistro ordinationibus omnibus per bo(ne) me:
moriam fratrem Raymundum Berengarij olim dicte Domus Magistrum factis