Wernher falkel gesaztricht(er) von d(er) erbfrouen czum goltberte Vnd wir schep
phen d(er) selbist Meist(er) henlyn Hannos kelner francze melczer Meist(er) rodeler
Martyn gude Appollonius rule Hannos weyseman Bekenne(n) das vor vns In
gehegtem dinge Petir osincheld hat bekant das her hat vorkouft eyne halbe
mark geldis iew(er)liche(n) zinses vm fvmf mark g(ro)ss(en) uf al sey(n) erbe vnd gut
In stadrechte dem Andachtigi(n) Hern Wenczlab kompter hy czum goltb(er)ge czu
dem neue(n)hofe vnd dornach sey(n) nachkomelinden Vnd globit en den czins alle
iar iew(er)lich czu gebi(n) uf michaelis Vnd nu nest an zuhebi(n) ab das nicht ge
schid So sal en der richter lassen phande(n) helfen uf al dem egenanten gute d(as)
sy moge(n) vorsetzen adir vorkoufen vor den vordessi(n) czins an uffbitu(n)ge des rich
ten Als ab alle recht d(er) metz(en) weren begange(n) Vnd wen Petir osinheld adir
dy seynen den czins welli(n) wedir abekoufi(n) mit fvmf marken g(ro)ss(en) Vnd den
vordessi(n) czins mete gebi(n) So sal man en wedir zu koufi(n) gebi(n) vngehind(er)t
Gegebi(n) vnschedlich desi(n) briefi(n) am fytage vor lletare Noch gotis geburt
vierczehnhund(er)t Iar dornach In dem drezcehnden Iare