frater Joanes Leuesque dela Cassiere
Dei gr(ati)a sacre Domus hosp(ita)lis s(ancti) Joannis hierosolymitani Magister humilis pauperu(m)q(ue) Jesu xp(ist)i custos et nos conuentus Domus eiusdem. Ven(erabili) et Religioso in xp(ist)o nobis prechariss(imo) fratri
Joanni georgio sconborn Baiuliuatus n(ost)ri Alemanie magno Baiuliuo ac comendar(um) n(ost)rar(um) hemendorff et Maguntie Prioratus Alemanie comendatario, ac Religioso in xp(ist)o nobis chariss(imo) fr(atr)i
Philippo Riedsel comende n(ost)re Irlinghen dicti Prioratus comendatario salute(m) in d(omi)no et n(ost)ris firmiter obedire mandatis. Inter cetera que decus et comodum ordinis n(ost)ri fratru(m)q(ue) n(ost)ror(um) con
cernere dignoscuntur oneriq(ue) nobis imposito incumbunt, hoc maxime occurrit ut pro uiribus studeamus ne bona et beneficia ad prouisione(m) et donatione(m) n(ost)ram spectantia diuturna
uacatione in spiritualibus et temporalibus dispendiu(m) patiantur. Cu(m) itaq(ue) significatu(m) nobis fuerit Prioratu(m) n(ost)rum Bohemie ab hinc aliquot mensibus p(er) obitu(m) Ven(erabilis) quon(dam) fr(atr)is Ven
ceslai hasy ab hasenburg uacare eiusq(ue) collatio uacationis casu contingente ad nos spectare dignoscatur, Intellexerimusq(ue) Religiosu(m) in xp(ist)o nobis charissimu(m) fr(atr)em Christophoru(m)
a Vatenburg comende n(ost)re de lemburg eiusde(m) Prioratus Comendatariu(m) electu(m) in dicti Prioratus locutenente(m) isq(ue) cu(m) ob locoru(m) distantia(m) itinerisq(ue) fastidiu(m) cu(m) ob senectutis qua
grauatur molestias huc ad nos se transferre minime possit, ut prestitia per eu(m) obedientia et iuramento soleni consueto et requisito magna crucis per Ven(erabiles) Baiuliuos Prio
resq(ue) ordinis n(ost)ri gestari solita authoritate possit insigniri. Volentesq(ue) ei gratiosu(m) fauore(m) impertiri neq(ue) id propter eius absentia(m) per nos executioni mandari possit per alios a nobis
committendos et eligendos agendu(m) curauimus. Hinc est quod fide uirtute probitate prudentia integritateq(ue) u(est)ra plane perspecta et cognita, Inuicem maturo et deliberato consilio
de n(ost)ra certa scie(nti)a Vos et quemlibet u(est)rum in solidu(m) per has n(ost)ras p(rese)ntes facimus creamus et constituimus in hac parte Vicarios et Vicegerentes n(ost)ros. Dantes uobis et cuilibet u(est)rum
spe(ci)alit(er) et expresse libera(m) plena(m) et ampla(m) authoritatem potestatem et facultatem eunde(m) fr(atr)em Christophoru(m) a Vatenburg ubi ab eo dicta(m) obedientia(m) et solene(m) iuramentu(m) rece
peritis magna cruce per Ven(erabiles) Proceres ordinis n(ost)ri gestari solita insigniendi et decorandi pro stabilimento n(ost)roq(ue) forma obseruatis ceremonijs et solenitatibus consuetis
et necessarijs. Committentes Vobis et cuilibet uestru(m) in premissis et quolibet premissoru(m) totali(ter) uices n(ost)ras quaru(m) uigore ea facere et adimplere possitis que nosmet
facere et adimplere possemus si p(rese)ntes adessemus, etia(m) si talia essent que mandatu(m) magis speciale requirerent q(uam) p(rese)ntibus sit expressu(m). Precipientes omnib(us) et sin
gulis domus n(ost)re fratribus quacu(m)q(ue) authoritate dignitate officioq(ue) fungentibus ne contra p(rese)ntes n(ost)ras l(itte)ras aliquatenus facere uel uenire presumant, sed eas studeant
inuiolabiliter obseruare. In cuius rei testimoniu(m) Bulla n(ost)ra comunis plumbea p(rese)ntibus est appensa. Datum Melite in Conuentu n(ost)ro Die nona mensis Septe(m)bris.
Millesimo quingentesimo septuagesimo octauo.
R(ecep)ta. In Cancellaria
f. Didacus de luando Regens Cancell(ar)ie