Wir Christoff Herr von Warttenberg der Elter auf Strackonitz des priorats durch Behaimb, Mehrern,
Polln, Schlesien, Oberlaußnitz, Osterreich, Steier, Cärnndten, Crain, unnd Friaul, Obrister Maister, Landtrichtter
dann Rath unnd Crollgebernnenn, Ehrwürdigenn, Hochwolgebornn, Edlen, Vhesten, Erbarn, unnd Weisen, unnd sunst
allen unnd iedenn, was Standtes, Wurdts, Ambtes, oder Wesenng die seindt, Jeden in sonderhait, Unnsern freunt,
lichenn willig dienst, Grueß, Gnaß unnd alles guets, Unnd geben Euer E(hrwürden) unnd Euch, zue der mainung
zuevernehmen, Daß wir denn Edlenn, Ernuestenn, Herrn Daniell Witzell von Witzlenitz, Zu unns,
Ihren Nottwendigen geschefften, Inn Hungern, Osterreich, Steiermarckh, Cärnndten, unnd Innd landt
Crainn, auch unnder unnsere Ordenn Commenden unnd anndere Ortt, an unnser stat abgeferti,
gett haben. Dero wegen ist an Euer E(hrwürden) unnd Euch, so mit disem unnserem brieff
ersucht werden, unnser freuntliches ersuenn, Bitten unnd begeren, Dieselben wollen obgedachtenn
Herrn Witzell aus solcher Raiß, frey unnd sicher, auff Zoll unnd Mautt frey, fort ziehen unnd passiern lass(en)
Auch Ihme, da es die Notturfft erfordert, umb unngewon unnser aus Ihm an Ihm unnd den seinen hülffe
befürderung, Unnd sunst alle guete willige freunndtschafft erzaigenn, thuen unnd beweisen, Solchs
wir auch hinwider, da es die gelegenheit, der gestalt, oder sunst annders erfordert, thuen unnd erzaigenn
wollenn. Wie wir unns dann tröstlich versehen, E(uer) E(hrwürden) unnd Ir mich hie Inn willerig unnd un,
abschlegig erzaigenn werden. Solchs wollen wir umb E(uer) E(hrwürden) unnd Euch willig verdienenn unnd beschul,
denn. Zu urkhundt geben wir dissen unsern brieff, mit unserm Insigel verfertigt, unnd unns
mit aigenner handt unnderschriebenn. Geschehen Zu Prag den 30. December, Zu achtzigsten deß Neun,
unnd Siebenntzigistenn Jare.
Christoff H(err) von
Warttenberg E(lter) m(anu) p(ropria)